പൂഞ്ഞാർ: പൂഞ്ഞാർ എംഎൽഎ പിസി ജോർജിന്റെ മകൻ ഷോൺ ജോർജിന് എതിരെ പരാതിയുമായി എൽഡിഎഫ് പ്രവർത്തകർ. എല്ഡിഎഫ് പര്യടനത്തിന് ഇടയിലേക്ക് ഷോണ് ജോര്ജ് അമിതവേഗതയില് വാഹനം ഓടിച്ച് കയറ്റിയെന്നാണ് പരാതി.
പൂഞ്ഞാര് പഞ്ചായത്തിൽ നടന്ന എൽഡിഎഫ് സ്ഥാനാര്ഥി അഡ്വ. സെബാസ്റ്റ്യന് കുളത്തുങ്കലിന്റെ പര്യടനത്തിനിടയിലേക്കാണ് ഷോൺ ജോർജിന്റെ വാഹനം ഇടിച്ചു കയറ്റിയത്. തുടര്ന്ന് നിര്ത്താതെ പോയ വാഹനത്തിന്റെ നമ്പര് പ്രവര്ത്തകര് ശ്രദ്ധിക്കുകയും പിന്നീട് അന്വേഷിച്ചപ്പോഴാണ് ഷോണ് ജോര്ജിന്റെ വാഹനമാണന്ന് തിരിച്ചറിഞ്ഞത്.
വാഹനം ഇടിച്ചു കയറി പരുക്കേറ്റ രണ്ട് എൽഡിഎഫ് പ്രവർത്തകരെ ആശുപത്രിയില്
പ്രവേശിപ്പിച്ചു. ഇടിയുടെ ആഘാതത്തില് തെറിച്ചു വീണ പികെ തോമസ് പുളിമൂട്ടില്, ഷിബു എന്നിവരെയാണ് ഈരാറ്റുപേട്ടയിലെ സ്വകാര്യ ആശുപത്രിയില് പ്രവേശിപ്പിച്ചത്.
സംഭവത്തിൽ പ്രതിഷേധിച്ച് എല്ഡിഎഫ് ഈരാറ്റുപേട്ടയില് പ്രതിഷേധ പ്രകടനം നടത്തി.
Discussion about this post