കോഴിക്കോട്: തലശ്ശേരിയില്‍ എന്നല്ല, ഒരിടത്തും ബിജെപിയുടേയോ ആര്‍എസ്എസിന്റേയോ വോട്ട് വേണ്ടെന്ന് തുറന്നടിച്ച് എംഎം ഹസ്സന്‍. ബിജെപിയുടെ വോട്ട് വേണ്ട എന്ന് പറയാന്‍ സിപിഎം തയ്യാറാകുമോ എന്നും അദ്ദേഹം വെല്ലുവിളിക്കുന്നുണ്ട്.
വെല്‍ഫെയര്‍ പാര്‍ട്ടിയുമായി കോണ്‍ഗ്രസിന് സംഖ്യമില്ലെന്നും ഹസ്സന്‍ കൂട്ടിച്ചേര്‍ത്തു. കോഴിക്കോട് മാധ്യമങ്ങളോടായിരുന്നു അദ്ദേഹത്തിന്റെ പ്രതികരണം. ‘ ഞങ്ങള്‍ക്ക് വേണ്ട. തലശ്ശേരിയില്‍ എന്നല്ല ഒരിടത്തും ബി.ജെ.പി.യുടേയും ആര്‍.എസ്.എസിന്റേയും വോട്ട് പ്രതീക്ഷിക്കുന്നില്ല. ഞങ്ങള്‍ക്ക് അത് വേണ്ട. അത് എത്രയോ തവണ ഞങ്ങള്‍ പറഞ്ഞു.’ – ഹസ്സന്‍ പറയുന്നു.
തലശ്ശേരി മണ്ഡലത്തില്‍ ബിജെപിയുടെ വോട്ട് വേണ്ടെന്ന് പറയാന്‍ സിപിഎം നേതാക്കള്‍ തയ്യാറാണോയെന്നും അദ്ദേഹം ചോദിച്ചു.