തിരുവനന്തപുരം: ചെത്തുകാരന്റെ കുടുംബത്തിൽ നിന്നും വന്നയാൾ ഹെലികോപ്റ്റർ വാങ്ങിയെന്ന കെ സുധാകരന്റെ പരാമർശം വിവാദമാക്കേണ്ടെന്ന് പ്രതിപക്ഷ, നേതാവ് രമേശ് ചെന്നിത്തല. കെ സുധാകരന്റെ പരാമർശത്തിൽ അദ്ദേഹത്തെ തള്ളിപ്പറഞ്ഞിട്ടില്ലെന്ന് ചെന്നിത്തല വ്യക്തമാക്കി. സുധാകരൻ ആരെയും അപമാനിച്ചിട്ടില്ല. മുഖ്യമന്ത്രിയുടെ ധൂർത്തിനെയാണ് സുധാകരൻ തള്ളിപ്പറഞ്ഞത്. തന്റെ പ്രസ്താവനയെ മറ്റൊരു രീതിയിൽ ചിത്രീകരിച്ചത് ശരിയായില്ലെന്നും ചെന്നിത്തല ന്യായീകരിച്ചു.
അതേസമയം, മുഖ്യമന്ത്രിക്കെതിരെ ജാതി പറഞ്ഞിട്ടില്ലെന്നും തൊഴിലിനെക്കുറിച്ച് പറയുന്നത് എങ്ങനെ അപമാനകരമാകുമെന്നുമാണ് കെ സുധാകരന്റെ വാദം. മുഖ്യമന്ത്രിക്ക് എതിരെ സുധാകരൻ നടത്തിയ വിവാദ പരാമർശത്തോടെ അദ്ദേഹത്തെ പരസ്യമായി തള്ളി കോൺഗ്രസ് നേതാക്കൾ രംഗത്തെത്തിയിരുന്നു.
കെ സുധാകരനെ തള്ളി പ്രതിപക്ഷ നേതാവ് രമേശ് ചെന്നിത്തലയും രംഗത്തെത്തിയിരുന്നു. എന്നാൽ, തന്റെ പരാമർശം തെറ്റല്ലെന്ന് മിനിഞ്ഞാന്ന് പറഞ്ഞ രമേശ് ചെന്നിത്തല ഇന്നലെ നിലപാടുമാറ്റിയെന്ന് സുധാകരൻ പൊട്ടിത്തെറിക്കുകയും ചെയ്തു. ഷാനിമോൾ ഉസ്മാൻ തനിക്കെതിരെ നടത്തിയ വിമർശനത്തെ ന്യായീകരിക്കുന്നതാണ് രമേശിന്റെ പരാമർശം. താൻ കെപിസിസി പ്രസിഡന്റാക്കാതിരിക്കാൻ പാർട്ടിക്കുള്ളിൽ നീക്കമുണ്ടെന്നും കെ സുധാകരൻ കുറ്റപ്പെടുത്തി.
Discussion about this post