തിരുവനന്തപുരം: പെറ്റമ്മയെ മദ്യലഹരിയില്‍ നിലത്തിട്ട് ക്രൂരമായി മര്‍ദ്ദിക്കുന്ന മകന്റെ വീഡിയോ പുറത്ത്. ഇടവ അയിരൂര്‍ സ്വദേശി റസാക്കാണ് മാതാവിനെ ക്രൂരമായി മര്‍ദ്ദിച്ചത്. ഡിസംബര്‍ പത്തിനാണ് മനുഷ്യമനസ്സാക്ഷിയെ നടുക്കുന്ന സംഭവം അരങ്ങേറിയത്.
ദൃശ്യങ്ങള്‍ സോഷ്യല്‍ മീഡിയയില്‍ വ്യാപകമായി പ്രചരിക്കുകയാണ്. മാതാവിനെ മര്‍ദ്ദിക്കുന്ന മകന്‍ റസാക്കിന്റെ വീഡിയോ സഹോദരിയാണ് ക്യാമറയില്‍ പകര്‍ത്തിയത്. ‘ചാകെടി, നീ അവന്റെ കൊകൊണ്ട് തന്നെ ചാക്, എനിക്കിനി ഒന്നും ചെയ്യാനൊന്നും പറ്റത്തില്ല. നീ ചാക്, ഇനി പൊലീസ് വരുമ്പോള്‍…’ എന്ന് മകള്‍ പറയുന്നതും വീഡിയോയില്‍ കേള്‍ക്കാം.
ശേഷം വിദേശത്തുള്ള ബന്ധുക്കള്‍ക്ക് അയച്ചുകൊടുക്കുകയായിരുന്നു. റസാഖ് ഒരു സ്ത്രീയ്‌ക്കൊപ്പം വേറെ വീട്ടിലായിരുന്നു താമസിച്ചിരുന്നതെന്നാണ് സൂചന. ഇയാള്‍ ഇപ്പോള്‍ ഒളിവിലാണ്. വീഡിയോ വ്യാപകമായി സമൂഹമാധ്യമങ്ങളില്‍ പ്രചരിച്ചതോടെ പോലീസിന്റെ ശ്രദ്ധയില്‍പ്പെട്ടു.
റസാക്കിനുവേണ്ടിയുള്ള തിരച്ചില്‍ ആരംഭിച്ചതായി പൊലീസ് അറിയിച്ചു. അതേസമയം മകനെതിരെ പരാതിയില്ലെന്നാണ് മാതാവ് സംഭവത്തെക്കുറിച്ച് അന്വേഷിക്കാനെത്തിയ പൊലീസ് ഉദ്യോഗസ്ഥരോട് പറഞ്ഞത്. നൊന്തുപെറ്റമ്മയെ ക്രൂരമായി മര്‍ദിച്ച മക്കള്‍ക്കെതിരെ നടപടി സ്വീകരിക്കണമെന്ന് സമൂഹമാധ്യമങ്ങള്‍ ഒന്നടങ്കം പ്രതികരിക്കുകയാണ്.
Discussion about this post