കോട്ടയം: ചരിത്രത്തിലാദ്യമായി പാലാ മുന്‍സിപ്പാലിറ്റിയില്‍ ഭരണം ഉറപ്പിച്ച് ഇടതുമുന്നണി. നഗരസഭ രൂപീകരിച്ച ശേഷം ആദ്യമായിട്ടാണ് എല്‍ഡിഎഫ് ഭരണം പിടിക്കുന്നത്. ജോസ് കെ മാണിയുടെ മുന്നണി മാറ്റത്തിന് ശേഷം നടന്ന ആദ്യ തെരഞ്ഞെടുപ്പിലാണ് ഇടതുമുന്നണി ശ്രദ്ധേയമായ നേട്ടം കൈവരിച്ചത്. 14 സീറ്റുകളില്‍ എല്‍ഡിഎഫ് വിജയിച്ചു. യുഡിഎഫിന് എട്ട് വാര്‍ഡ് മാത്രമാണ് നേടാനായത്.
മുന്നണി മാറിയ ജോസ് പക്ഷത്തിന്, കോട്ടയം ജില്ല തങ്ങളുടെ ശക്തി കേന്ദ്രമാണെന്ന് തെളിയിക്കേണ്ടത് ആവശ്യമായിരുന്നു. അതില്‍ വിജയം കണ്ടു എന്ന് കരുതേണ്ടിയിരിക്കുന്ന ഫലമാണ് വന്നിരിക്കുന്നത്. ജോസ് കെ മാണി വിഭാഗവുമായുള്ള സഖ്യം ഇടത് മുന്നണിയ്ക്കും ഗുണമായിട്ടുണ്ട്.
ജോസ് കെ മാണി വിഭാഗവുമായി യോജിച്ച് മത്സരത്തിനിറങ്ങിയ മധ്യകേരളത്തില്‍ വലിയ നേട്ടം ഉണ്ടാക്കാന്‍ ഇടത് മുന്നണിക്ക് ആയിട്ടുണ്ട്. കോട്ടയം ഇടുക്കി എറണാകുളം എന്നീ ജില്ലകളിലെ തെരഞ്ഞെടുപ്പ് ഫലത്തില്‍ ഇത് പ്രകടമാണ്.
Discussion about this post