മലപ്പുറം : ക്ഷേത്രത്തില്‍ ഹിജാബും, ഷൂസും ധരിച്ച് യുവതി പ്രവേശിച്ച സംഭവത്തില്‍ പോലീസ് കേസ് രജിസ്റ്റര്‍ ചെയ്തു . മലപ്പുറം ജില്ലയിലാണ് സംഭവം. വാണിയമ്പലത്തെ ശ്രീ ത്രിപുരസുന്ദരീ ക്ഷേത്രത്തിലാണ് യുവതി ഹിജാബും, ഷൂസും ധരിച്ച് പ്രവേശിച്ചത്.
സംഭവത്തില്‍ ക്ഷേത്ര സെക്രട്ടറി ശരത് കുമാര്‍, ക്ഷേത്രത്തില്‍ ഷൂസും, ഹിജാബും ധരിച്ച് പ്രവേശിച്ച സ്ത്രീക്കെതിരെ പരാതി നല്‍കിയിട്ടുണ്ട്. ക്ഷേത്രത്തിലെ ശ്രീകോവിലിനു മുന്നില്‍ ഹിജാബും, ഷൂസും ധരിച്ച് ഇരിക്കുന്ന പെണ്‍കുട്ടിയുടെ ചിത്രം സോഷ്യല്‍ മീഡിയ പ്ലാറ്റ്ഫോമുകളിലൂടെ പ്രചരിച്ചിരുന്നു ,
ഇതോടെയാണ് സംഭവം പുറത്തറിഞ്ഞത് . തുടര്‍ന്നാണ് പെണ്‍കുട്ടക്കെതിരെ പരാതി നല്‍കിയത്. ഹിന്ദുക്കളുടെ മതവികാരം ബോധപൂര്‍വ്വം വ്രണപ്പെടുത്തിയെന്നും പ്രദേശത്ത് വര്‍ഗീയ സംഘര്‍ഷം സൃഷ്ടിക്കാന്‍ ശ്രമിച്ചതായും ക്ഷേത്ര സെക്രട്ടറി ശരത് കുമാര്‍ നല്‍കിയ പരാതിയില്‍ പറയുന്നു.