കൊച്ചി: ഡിസംബര്‍ എട്ടിന് അഖിലേന്ത്യ തലത്തില്‍ നടത്താനിരുന്ന സിഎ ഫൗണ്ടഷേന്‍ പരീക്ഷ മാറ്റിവച്ചു. കര്‍ഷക സംഘടനകള്‍ പ്രഖ്യാപിച്ചിരിക്കുന്ന ഭാരത ബന്ദിനെ തുടര്‍ന്നാണ് പരീക്ഷ മാറ്റിയിരിക്കുന്നത്. ഡിസംബര്‍ 13 ലേക്കാണ് പരീക്ഷ മാറ്റിയിരിക്കുന്നത്.
തെരഞ്ഞെടുപ്പിന്റെ പശ്ചാത്തലത്തില്‍ 10,12,13,14 തീയതികളില്‍ പരീക്ഷ നടക്കേണ്ടിയിരുന്ന സെന്ററുകളിലും മാറ്റം വരുത്തി. എറണാകുളം ചിന്മയ വിദ്യാപീഠം, വടുതല ചിന്മയ സ്‌കൂള്‍, എറണാകുളം മഹാരാജാസ് കോളേജ് എന്നിവിടങ്ങളിലെ പരീക്ഷ സെന്റര്‍ കളമശേരി ആല്‍ബര്‍ട്യന്‍ ഇന്‍സ്റ്ററ്റിയൂട്ട് ഓഫ് സയന്‍സ് ആന്‍ഡ് ടെക്‌നോളജിയിലേക്കും കാരണക്കോടം സെന്റ് ജൂഡ് സ്‌കൂള്‍, ആലുവ ഗവണ്മെന്റ് ഹയര്‍സെക്കന്‍ഡറി സ്‌കൂള്‍ എന്നിവിടങ്ങളിലെ പരീക്ഷ ആലുവ സെന്റ് ഫ്രാന്‍സീസ് ഗേള്‍സ് സ്‌കൂളിലേക്കും മാറ്റി.
