തിരുവനന്തപുരം: തിരുവനന്തപുരം ജില്ലയിലെ സ്‌കൂളുകളില്‍ നാളെ നടക്കാനിരുന്ന ഹൈസ്‌കൂള്‍ വിഭാഗം അര്‍ധവാര്‍ഷിക പരീക്ഷകളും ഹയര്‍സെക്കന്ററി രണ്ടാം പാദ വാര്‍ഷിക പരീക്ഷകളും മാറ്റി വച്ചു. ഹയര്‍സെക്കന്ററി പരീക്ഷകള്‍ ഈ മാസം 21ലേക്കാണ് മാറ്റിവെച്ചിരിക്കുന്നത്. എന്നാല്‍ ഹൈസ്‌കൂള്‍ വിഭാഗത്തിന്റെ പുതുക്കിയ തീയതി അറിയിച്ചിട്ടില്ല. തിരുവനന്തപുരം ജില്ലയില്‍ ബിജെപി ഹര്‍ത്താലിന് ആഹ്വാനം ചെയ്തതിനെ തുടര്‍ന്നാണ് പരീക്ഷകള്‍ മാറ്റി വച്ചിരിക്കുന്നത്.
കൂടാതെ സാങ്കേതിക സര്‍വകലാശാലയുടെ നാളത്തെ എല്ലാ പരീക്ഷകളും ജനുവരി 18ലേക്ക് മാറ്റിയതായി അക്കാദമിക് ഡീന്‍ ജെ ശ്രീകുമാര്‍ നേരത്തെ അറിയിച്ചിരുന്നു. അതേസമയം കേരള സര്‍വകലാശാല നാളെ നടത്തുന്ന പരീക്ഷകള്‍ക്ക് മാറ്റമില്ലെന്ന് കേരള സര്‍വകലാശാല പിആര്‍ഒ ഡോ. അജിത എസ് അറിയിച്ചു
Discussion about this post