കണ്ണൂര്‍: ചൈല്‍ഡ് ഫെല്‍ഫെയര്‍ കമ്മിറ്റി കണ്ണൂര്‍ ജില്ല ചെയര്‍മാനെതിരെ പോക്‌സോ കേസ് എടുത്തു. മൊഴി പറയാനെത്തിയ പെണ്‍കുട്ടിയോട് മോശമായി പെരുമാറിയതിനാണ് കേസ്. പെണ്‍കുട്ടി മജിസ്‌ട്രേറ്റിന് നല്‍കിയ രഹസ്യമൊഴിയുടെ അടിസ്ഥാനത്തില്‍ തലശേരി പോലീസാണ് കേസ് എടുത്തത്.
കഴിഞ്ഞ ഒക്ടോബര്‍ 21നാണ് കേസിന് ആസ്പദമായ സംഭവം ഉണ്ടായത്. മറ്റൊരു പീഢന കേസ് പരാതിയില്‍ കുട്ടിയെ വിളിച്ചു വരുത്തി മൊഴി എടുത്തിരുന്നു. മൊഴി എടുക്കുന്നതിന് ഇടയില്‍ ചൈല്‍ഡ് ഫെല്‍ഫെയര്‍ കമ്മിറ്റി ചെയര്മാന് കുട്ടിയോട് മോശമായി പെരുമാറി എന്നാണ് പരാതി.
ചെയര്‍മാന്റെ മോശം പെരുമാറ്റത്തെ കുറിച്ച് കുട്ടി മജിസ്‌ട്രേറ്റിന് രഹസ്യമൊഴി നല്‍കി. തുടര്‍ന്ന് ചൈല്‍ഡ് ഫെല്‍ഫെയര്‍ കമ്മിറ്റി ചെയര്മാന് എതിരെ കേസ് എടുക്കാന്‍ മജിസ്‌ട്രേറ്റ് നിര്‍ദേശിക്കുകയായിരുന്നു. ഇതിന്റെ അടിസ്ഥാനത്തിലാണ് ചൈല്‍ഡ് ഫെല്‍ഫെയര്‍ കമ്മിറ്റി കണ്ണൂര്‍ ജില്ല ചെയര്‍മാനെതിരെ തലശേരി പോലീസ് പോക്‌സോ കേസ് എടുത്തത്.
