തൃശ്ശൂര്: തിരുവമ്പാടി ദേവസ്വം സെക്രട്ടറി പ്രൊഫസര് എം മാധവന് കുട്ടി അന്തരിച്ചു. 78 വയസായിരുന്നു. ഇന്ന് പുലര്ച്ചെ തൃശൂര് സരോജ നഴ്സിങ് ഹോമില് വെച്ചായിരുന്നു അന്ത്യം. അര്ബുദ രോഗത്തിന് ചികിത്സയിലായിരുന്നു അദ്ദേഹം.
അരനൂറ്റാണ്ട് കാലം തൃശ്ശൂര് പൂരത്തിന്റെ സംഘാടകനായിരുന്നു അദ്ദേഹം. 42 വര്ഷമായി തിരുവമ്പാടി ദേവസ്വം ഭാരവാഹിയായിരുന്നു. ആലുവ യുസി കോളേജിലെ റിട്ടയേര്ഡ് പ്രൊഫസറാണ്. സംസ്കാരം ഇന്ന് വൈകീട്ട് നടക്കും.