പാലക്കാട്: കേരളം തെരഞ്ഞെടുപ്പ് പോരാട്ടത്തിലാണ്. തദ്ദേശ തെരഞ്ഞെടുപ്പ് പ്രചരണം ചൂടുപിടിക്കവേ പ്രചരണത്തിന് ഇറങ്ങാന് കഴിയാത്തതിന്റെ വിഷമത്തിലാണ് രമ്യ ഹരിദാസ് എംപി. കാലിന് പരുക്കേറ്റ രമ്യ ഹരിദാസ് ശസ്ത്രക്രിയയ്ക്ക് ശേഷം വീട്ടില് വിശ്രമത്തിലാണ്.
അതിനാലാണ് തെരഞ്ഞെടുപ്പ് പ്രചരണത്തിനെത്താന് കഴിയാതെ ആയത്. രമ്യ വിശ്രമത്തിലാണെങ്കിലും കുഴല്മന്ദം കണ്ണനൂരിലെ വീട്ടില് തിരക്കിന് കുറവൊന്നുമില്ല. സ്ഥാനാര്ത്ഥികളും പ്രവര്ത്തകരുമെല്ലാം രമ്യയെ കാണാനും സുഖവിവരങ്ങളെല്ലാം തിരക്കാനും എത്തുന്നുണ്ട്.
രമ്യയോടൊപ്പമുള്ള ചിത്രമെടുക്കുന്നതിനും വോട്ടര്മാരോടുള്ള അഭ്യര്ത്ഥന ക്യാമറയിലെടുക്കുന്നതിനുമാണ് സ്ഥാനാര്ത്ഥികളുടെ തിരക്ക്. ഡോക്ടര്മാര് അനുവദിച്ചാല് ഒരു ദിവസമെങ്കിലും തെരഞ്ഞെടുപ്പ് പ്രചരണത്തിനിറങ്ങണമെന്നാണ് രമ്യ ആഗ്രഹിക്കുന്നത്.
ശുചിമുറിയില് തെന്നിവീണ് ഇടതുകാലിന് പരുക്കേറ്റതിനെ തുടര്ന്നാണ് വിശ്രമം. ഡിസംബര് പകുതി വരെ വീട്ടില് വിശ്രമം പറഞ്ഞിരിക്കുകയാണ് ഡോക്ടര്മാര്. കോഴിക്കോട് കുന്നമംഗലം ബ്ലോക്ക് പഞ്ചായത്ത് പ്രസിഡണ്ടായിരിക്കെയാണ് രമ്യ ഹരിദാസ് ആലത്തൂരില് മത്സരിക്കാനെത്തിയത്.
Discussion about this post