കോഴിക്കോട്: കൊവിഡിനെ തടയുന്നതിനായി സാനിറ്റൈസര്‍ ഉപയോഗിച്ച് ഇടവിട്ട് കൈകള്‍ വൃത്തിയാക്കാനാണ് ആരോഗ്യ വിദഗ്ധര്‍ പറഞ്ഞിട്ടുള്ളത്. ഇതോടെ വിപണിയില്‍ സാനിറ്റൈസറിനുള്ള ഡിമാന്‍ഡ് വര്‍ധിക്കുകയും ചെയ്തു. എന്നാല്‍ ഇതിന്റെ മറവില്‍ വ്യാജ സാനിറ്റൈസറുകളുടെ വില്‍പനയും തകൃതിയായി നടക്കുകയാണ്.
കഴിഞ്ഞ ആറ് മാസത്തിനിടെ 50 ലക്ഷം രൂപയുടെ വ്യാജ സാനിറ്റൈസറുകളാണ് ഡ്രഗ്‌സ് കണ്‍ട്രോള്‍ വിഭാഗം പിടിച്ചെടുത്തത്. സംസ്ഥാനത്ത് സാനിറ്റൈസര്‍ വില്‍ക്കാന്‍ അനുമതി വേണ്ടെന്നതിനാല്‍ സംസ്ഥാനത്തിന് പുറത്ത് നിന്നും വ്യാജ സാനിറ്റൈസര്‍ എത്തുന്നുണ്ട്. കോഴിക്കോട്, കണ്ണൂര്‍, മലപ്പുറം എന്നീ ജില്ലകളില്‍ നടത്തിയ പരിശോധനയിലാണ് ഇത്രയധികം രൂപയുടെ വ്യാജ സാനിറ്റൈസറുകള്‍ പിടിച്ചെടുത്തത്.
പിടിച്ചെടുത്ത സാനിറ്റൈസറില്‍ നിര്‍മ്മിക്കുന്ന ഫാക്ടറിയുടെ പേരില്ല. ബാച്ച് നമ്പറും, ലൈസന്‍സ് വിവരങ്ങളും മറ്റ് വിശദാംശങ്ങളും ഒന്നുമില്ല. ലേബലിലുള്ള നിറമെ അല്ല അകത്തെ സാനിറ്റൈസറിന്. ഇത്തരം വ്യാജ സാനിറ്റൈസറുകള്‍ ശരീരത്തില്‍ പാര്‍ശ്വഫലം ഉണ്ടാക്കുന്നതായും കണ്ടെത്തിയിട്ടുണ്ട്.
കണ്ണൂര്‍ കൂത്തുപറമ്പിലും മലപ്പുറത്തും ലൈസന്‍സില്ലാതെ സാനിറ്റൈസര്‍ നിര്‍മ്മിക്കുന്ന യൂണിറ്റുകള്‍ അധികൃതര്‍ പൂട്ടി സീല്‍ ചെയ്യുകയും ചെയ്തിട്ടുണ്ട്.
Discussion about this post