കോഴിക്കോട്: ഇരുപതിനായിരം രൂപ കൊടുത്തു വാങ്ങിയ പേര്‍ഷ്യന്‍ പൂച്ചയെ കാണ്‍മാനില്ലെന്ന പരാതിയുമായി ഉടമ. പുതുപ്പാടി പെരുമ്പള്ളി കാവുമ്പുറം കൊപ്പത്ത് പറമ്പില്‍ നാഷിദിന്റെ വീട്ടിലെ പേര്‍ഷ്യന്‍ പൂച്ചയെ ആണ് കാണാതായിരിക്കുന്നത്.
കഴിഞ്ഞ പതിനഞ്ചാം തീയതി മുതല്‍ തങ്ങളുടെ പൂച്ചയെ കാണാനില്ലെന്നാണ് നൗഷാദിന്റെ പരാതി. നേരത്തേ ഇതുപോലെ വീട്ടിലെ മറ്റൊരു പൂച്ചയെ കാണാതായപ്പോള്‍ ഒരാഴ്ച കഴിഞ്ഞ് ഒരു സുഹൃത്ത് മുഖേനെ അതിനെ തിരികെ കിട്ടിയിരുന്നു. അതുപോലെ ഈ പൂച്ചയും തിരിച്ചെത്തുമെന്ന പ്രതീക്ഷയിലാണ് നാഷിദും കുടുംബവും. എന്തായാലും താമരശ്ശേരി പോലീസില്‍ പരാതി നല്‍കാന്‍ തയ്യാറായിരിക്കുകയാണ് ഇവര്‍.
വീട്ടിലെ ഒരു അംഗത്തെപ്പോലെ കരുതിയിരുന്ന പൂച്ചയെ കാണാതായതോടെ വീട്ടിലെ ആര്‍ക്കും ഭക്ഷണം പോലും കഴിക്കാന്‍ സാധിക്കുന്നില്ലെന്നാണ് നാഷിദ് പറയുന്നത്.
Discussion about this post