കഴക്കൂട്ടം: മാതാപിതാക്കളുടെ കണ്ണുവെട്ടിച്ച് കടപ്പുറത്ത് കളിക്കാന്‍ പോയ രണ്ട് വയസുകാരന്‍ തിരയില്‍പ്പെട്ട് മരിച്ചു. വലിയവേളി യൂണിറ്റ് നമ്പര്‍ പത്ത് എഎം കോട്ടേജില്‍ അനീഷ് ആന്റണിയുടേയും സില്‍വാനയുടേയും മകന്‍ എക്കാലിയോയ്ക്ക് ആണ് മരിച്ചത്.
വ്യാഴാഴ്ച രാവിലെ 10.30ടെയാണ് കുഞ്ഞിനെ കാണാതായത്. വീട്ടുകാര്‍ കാണാതെയാണ് കുഞ്ഞ് കടപ്പുറത്തേക്ക് പോയത്. വീട്ടിലുണ്ടായിരുന്ന മുതിര്‍ന്നവര്‍ കടപ്പുറത്ത് മത്സ്യം വാങ്ങാനായി പോയപ്പോഴായിരുന്നു കുട്ടി കടപ്പുറത്തേക്ക് കളിക്കാനായി പോയത്.
ഇവര്‍ വീട്ടില്‍ തിരിച്ചെത്തി കുഞ്ഞിനെ തിരഞ്ഞെങ്കിലും എവിടെയും കണ്ടില്ല. പിന്നീട് വിവരം പോലീസിനെ അറിയിക്കുകയായിരുന്നു. കാണാതായിടത്ത് നിന്നും 800 മീറ്റര്‍ അകലെ വേളി പൊഴിക്കരയില്‍ വെച്ചാണ് കുട്ടിയുടെ മൃതദേഹം കണ്ടെത്തിയത്.