പന്തളം: പന്തളത്ത് എസ്എഫ്‌ഐ നേതാവിന് നേരെ വധശ്രമം. പത്തനംതിട്ട ജില്ലാ വൈസ് പ്രസിഡന്റ് വിഷ്ണു കെ രമേശിന് നേരെയാണ് ആക്രമണം. പന്തളം മങ്ങാരത്തുവെച്ചാണ് സംഭവം.
വെള്ളിയാഴ്ച രാത്രി 10ന് പന്തളത്തുനിന്ന് വീട്ടിലേക്ക് പോകുന്ന വഴിയില്‍ മങ്ങാരം കരണ്ടയില്‍ ക്ഷേത്രത്തിന് സമീപം വെച്ച് ബൈക്കിലെത്തിയ മൂന്നംഗ സംഘം മാരകായുധങ്ങളുമായി ആക്രമിക്കുകയായിരുന്നു.
തലയ്ക്കും കഴുത്തിനും കൈയ്ക്കും വെട്ടേറ്റ വിഷ്ണുവിനെ ഗുരുതരാവസ്ഥയില്‍ തിരുവല്ല സ്വകാര്യ ആശുപത്രിയില്‍ പ്രവേശിപ്പിച്ചു. ആക്രമണത്തിനു പിന്നില്‍ സംഘപരിവാറെന്ന് സംശയമുള്ളതായി എസ്എഫ് ഐ നേതാക്കള്‍ അറിയിച്ചു.
Discussion about this post