കൊച്ചി: സമൂഹ മാധ്യമങ്ങളിലൂടെ കൊവിഡ് പ്രൊട്ടോകോള് ലംഘിക്കാന് ആഹ്വാനം ചെയ്ത സംഭവത്തില് മൂന്ന് പേര് കൂടി അറസ്റ്റില്. മലപ്പുറം തെന്നല സ്വദേശി മുഹമ്മദ് റഫീഖ് (42), കണ്ണൂര് തളിപ്പറമ്പ് സ്വദേശി വര്ഗീസ് ജോസഫ് (68), തൃശ്ശൂര് ചാഴൂര് സ്വദേശി വിനോദ് മാധവന് (55) എന്നിവരാണ് പിടിയിലായത്. എറണാകുളത്ത് നിന്നാണ് മൂന്ന് പേരെയും അറസ്റ്റ് ചെയ്തത്.
വാട്ട്ആപ്പ് ഗ്രൂപ്പ് വഴിയും ഫേസ്ബുക്ക് ഗ്രൂപ്പു വഴിയുമാണ് കൊവിഡ് പ്രോട്ടോക്കോള് ലംഘനത്തിന് ഇവര് പ്രചരണം നടത്തിയിരുന്നത്. കൊവിഡ് പ്രോട്ടോക്കോളിനെതിരെ എന്ന അര്ത്ഥം വരുന്ന എഗെയ്ന്സ്റ്റ് കൊവിഡ് പ്രോട്ടോക്കോള് എന്ന പേരിലുള്ള ഗ്രൂപ്പു വഴിയായിരുന്നു പ്രചാരണം.
വാട്ട്സ്ആപ്പ് ഗ്രൂപ്പിന്റെ അഡ്മിനെ നേരത്തെ പോലീസ് അറസ്റ്റ് ചെയ്തിരുന്നു. മാസ്ക് ധരിക്കാതെയും സാമൂഹിക അകലം പാലിക്കാതെയും ഹൈക്കോടതി ജംഗ്ഷനില് സമരം നടത്താന് ഇവര് തീരുമാനിച്ചിരുന്നു. ഈ നീക്കം പോലീസ് അറസ്റ്റോടെയാണ് പാളിയത്.
Discussion about this post