വയനാട്: ബാണാസുരസാഗര്‍ ഡാമിന്റെ ഷട്ടറുകള്‍ ഇന്ന് വൈകീട്ട് മൂന്ന് മണിക്ക് തുറക്കും. ഡാമിലെ ഇപ്പോഴത്തെ ജലനിരപ്പ് 774.80 മീറ്ററാണ്. അപ്പര്‍ റൂള്‍ ലെവല്‍ 775.00 മീറ്റര്‍ ആയതിനാല്‍ സ്പില്‍വെ ഷട്ടറുകള്‍ തുറന്ന് സെക്കന്റില്‍ 8.5 ക്യൂബിക് മീറ്റര്‍ മുതല്‍ ഘട്ടംഘട്ടമായി സെക്കന്റില്‍ 50 ക്യൂബിക് മീറ്റര്‍ വരെ വെള്ളം കരമാന്‍തോടിലേക്ക് തുറന്ന് വിടും.
ഡാമിന്റെ ഷട്ടര്‍ തുറക്കുന്നതിന് മുമ്പായി മൂന്ന് തവണ മൂന്ന് മിനിറ്റ് ഇടവിട്ട് സൈറണ്‍ മുഴക്കും. എന്നാല്‍ ഏതെങ്കിലും സാഹചര്യത്തില്‍ സൈറണ്‍ പ്രവര്‍ത്തിക്കാതെ വന്നാല്‍ പോലും ഷട്ടര്‍ ഉയര്‍ത്തുമെന്നാണ് അധികൃതര്‍ അറിയിച്ചിരിക്കുന്നത്. കരമാന്‍തോടിന്റെ ഇരുകരകളിലും താമസിക്കുന്നവര്‍ ജാഗ്രത പാലിക്കണമെന്നും ഒരു കാരണവശാലും ആരും പുഴയിലേക്ക് ഇറങ്ങരുതെന്നും അധികൃതര്‍ അറിയിച്ചു.