തിരുവനന്തപുരം: ഡിവൈഎഫ്‌ഐ പ്രവര്‍ത്തകരായ ഹഖ് മുഹമ്മദിന്റെയും മിഥിലാജിന്റെയും വിയോഗത്തിന്റെ വേദന തീരുംമുമ്പ് സമരാഭാസത്തിന്റെ മറവില്‍ സംസ്ഥാനത്ത് ബോധപൂര്‍വ്വം അക്രമം സൃഷ്ടിക്കാനാണ് കോണ്‍ഗ്രസ്സ് ശ്രമിക്കുന്നതെന്ന് ഡിവൈഎഫ്‌ഐ. പ്രകോപനപരമായ ഇത്തരം പ്രവര്‍ത്തനങ്ങള്‍ അത്യന്തം അപലപനീയമാണെന്ന് ഡിവൈഎഫ്‌ഐ സംസ്ഥാന സെക്രട്ടറിയേറ്റ് പ്രസ്താവനയില്‍ പറഞ്ഞു.
തിരുവോണ ദിനത്തില്‍ രണ്ടുപേരെ കൊല്ലാനുള്ള മാനസികാവസ്ഥ പോലെതന്നെ ക്രൂരമാണ് പൊതുമധ്യത്തില്‍ വെച്ച് കൊല്ലപ്പെട്ടവരുടെ ചിത്രങ്ങള്‍ സ്വന്തം കൊടിയുപയോഗിച്ച് കുത്തികീറുന്നവരുടെ മാനസികാവസ്ഥയും. പ്രകോപനം സൃഷ്ടിച്ച് സംസ്ഥാനത്ത് അരാജകത്വമുണ്ടാക്കാനുള്ള കോണ്‍ഗ്രസ് ശ്രമങ്ങളെ ഡിവൈഎഫ്‌ഐ പ്രവര്‍ത്തകര്‍ ജാഗ്രതയോടെ തിരിച്ചറിയണം.
പ്രകോപനത്തില്‍ അകപ്പെടാതെ സംയമനത്തോടെ ഡിവൈഎഫ്‌ഐ പ്രവര്‍ത്തകര്‍ ഇക്കൂട്ടരെ ജനങ്ങള്‍ക്ക് മുമ്പില്‍ തുറന്നു കാണിക്കണമെന്നും സംസ്ഥാന സെക്രട്ടറിയേറ്റ് പ്രസ്താവനയില്‍ പറഞ്ഞു.
Discussion about this post