കൊല്ലം: ചവറ നിയോജക മണ്ഡലത്തില്‍ ആര്‍എസ്പി നേതാവ് ഷിബു ബേബി ജോണ്‍ യുഡിഎഫ് സ്ഥാനാര്‍ഥിയാകുമെന്ന് കൊല്ലം ഡിസിസി പ്രസിഡന്റ് ബിന്ദുകൃഷ്ണ. ഔദ്യോഗിക പ്രഖ്യാപനം ഉടനുണ്ടാകുമെന്നും വന്‍ഭൂരിപക്ഷത്തില്‍ മണ്ഡലം യുഡിഎഫ് തിരിച്ചുപിടിക്കുമെന്നും ബിന്ദുകൃഷ്ണ പറഞ്ഞു.
ഉപതിരഞ്ഞെടുപ്പ് പ്രഖ്യാപിച്ചപ്പോള്‍ തന്നെ യുഡിഎഫ് പ്രവര്‍ത്തനം തുടങ്ങിയിരുന്നുവെന്നും ബിന്ദുകൃഷ്ണ പറഞ്ഞു. മണ്ഡലത്തില്‍ യുഡിഎഫിന് ശക്തമായ വേരോട്ടമുണ്ട്. വിജയം ഇവിടെ സുനിശ്ചിതമാണെന്നും ബിന്ദുകൃഷ്ണ പറഞ്ഞു.
നാളെ യുഡിഎഫ് ജില്ലാ നേതൃയോഗം ചേരുമെന്നും ബിന്ദുകൃഷ്ണ കൂട്ടിച്ചേര്‍ത്തു. ഔദ്യോഗികമായ പ്രഖ്യാപനം പോലുമില്ലെങ്കിലും ഷിബു ബേബി ജോണ്‍ മണ്ഡലത്തിലെ ജനങ്ങള്‍ക്കിടയില്‍ എല്ലായ്‌പ്പോഴും നില്‍ക്കുന്ന നേതാവാണെന്നും ബിന്ദുകൃഷ്ണ പറഞ്ഞു.
Discussion about this post