തലശ്ശേരി: തലശ്ശേരിയില്‍ ബോംബ് നിര്‍മ്മാണത്തിനിടെ സ്ഫോടനം. തലശ്ശേരി പൊന്ന്യം ചൂളിയിലാണ് സ്ഫോടനമുണ്ടായത്. അപകടത്തില്‍ മൂന്ന് പേര്‍ക്ക് പരിക്കേറ്റിട്ടുണ്ട്. ഒരാളുടെ നില ഗുരുതരമായി തുടരുകയാണ്. ഇന്ന് ഉച്ചക്ക് 1.30 ഓടെയാണ് വലിയ ശബ്ദത്തോടെ സ്ഫോടനമുണ്ടായത്. ബോംബ് നിര്‍മാണത്തിനിടയിലാണ് സ്‌ഫോടനമെന്ന് പോലീസ് പറഞ്ഞു.
കതിരൂര്‍ പോലീസ് സ്റ്റേഷന്‍ പരിധിയില്‍പ്പെടുന്ന സ്ഥലമാണിത്. പുഴയോട് ചേര്‍ന്നുള്ള സ്ഥലത്താണ് സ്ഫോടനമുണ്ടായത്. സ്ഫോടനത്തെ തുടര്‍ന്ന് രണ്ട് പേര്‍ പുഴയിലേക്ക് ചാടിയതായി ദൃക്‌സാക്ഷികള്‍ മൊഴി നല്‍കി. പ്രദേശത്തുനിന്ന് നിര്‍മ്മിച്ചുവെച്ച 12 സ്റ്റീല്‍ ബോംബുകളും കണ്ടെടുത്തു. ഇവ പോലീസിന്റെ നേതൃത്വത്തില്‍ നിര്‍വീര്യമാക്കുന്ന നടപടികള്‍ ആരംഭിച്ചു.
Discussion about this post