തിരുവനന്തപുരം: സെക്രട്ടറിയേറ്റ് തീപിടുത്തവുമായി ബന്ധപ്പെട്ട് മാധ്യമങ്ങളെ പരിഹസിച്ച് വൈദ്യുത മന്ത്രി എംഎം മണി. സെക്രട്ടേറിയറ്റിലെ തീപിടുത്തം മനപൂര്വ്വം ചെയ്തതാണെന്ന് വരുത്തിത്തീര്ക്കാനാണ് കേരളത്തിലെ പത്ര മുത്തശ്ശികളും അവരുടെ ചാനലുകളും ശ്രമിച്ചത്. തങ്ങള്ക്കിഷ്ടമില്ലാത്ത ഏതെങ്കിലും വസ്തുതാപരമായ വാര്ത്ത മുക്കുന്നതിനു വേണ്ടിയാണോ ഇത് ചെയ്തത് എന്നും മന്ത്രി ചോദിച്ചു.
കസ്റ്റംസ് ആരെയോ ചോദ്യം ചെയ്യാന് വിളിച്ചതായി കേട്ടു. പത്ര മുത്തശ്ശിമാര് അതറിഞ്ഞോ എന്തോ ? എന്നും പരിഹസിച്ച് മന്ത്രി ഫേസ്ബുക്കില് കുറിച്ചു.
ഫേസ്ബുക്ക് കുറിപ്പ്:
‘കാള പെറ്റു എന്ന് കേള്ക്കുമ്പോള് കയറെടുക്കുന്ന പോലെ’യാണ് കേരളത്തിലെ പത്ര മുത്തശ്ശികളും അവരുടെ ചാനലുകളും സെക്രട്ടേറിയറ്റിലെ തീപിടുത്തം സംബന്ധിച്ച വാര്ത്ത നല്കിയത്. വന് തീപിടുത്തം, സുപ്രധാനമായ ഫയലുകള് കത്തിനശിച്ചു എന്നും മറ്റും വെണ്ടക്ക നിരത്തി. ഇത് മനപൂര്വ്വം ചെയ്തതാണെന്ന് വരുത്തിത്തീര്ക്കാനും കിണഞ്ഞ് ശ്രമിച്ചു. എന്ത് നാശമാണ് തീപിടുത്തത്തില് സംഭവിച്ചതെന്നൊന്നും അന്വേഷിക്കാതെ ശുദ്ധ നുണയും വിവരക്കേടുമാണ് പത്രമുത്തശ്ശികളും ചാനലുകാരും കൊടുത്തിരിക്കുന്നത്.
തങ്ങള്ക്കിഷ്ടമില്ലാത്ത ഏതെങ്കിലും വസ്തുതാപരമായ വാര്ത്ത മുക്കുന്നതിനു വേണ്ടിയാണോ ഇത് ചെയ്തത്?
കസ്റ്റംസ് അരെയോ ചോദ്യം ചെയ്യാന് വിളിച്ചതായി കേട്ടു. പത്ര മുത്തശ്ശിമാര് അതറിഞ്ഞോ എന്തോ ?
Discussion about this post