കോഴിക്കോട്: സംസ്ഥാനത്ത് കൊവിഡ് വ്യാപനം രൂക്ഷമായിരിക്കെ വൈറസ് ബാധയ്‌ക്കെതിരെ അശാസ്ത്രീയ ചികിത്സാ രീതി പ്രചരിപ്പിക്കുന്നവരെ സൂക്ഷിക്കണമെന്ന മുന്നറിയിപ്പ് നല്‍കി കോഴിക്കോട് ജില്ലാ കളക്ടര്‍ ശ്രീറാം സാംബശിവ റാവു. ഫേസ്ബുക്കിലൂടെയാണ് അദ്ദേഹം മുന്നറിയിപ്പ് നല്‍കിയത്.
മഹാമാരിയുടെ മറവില്‍ നിങ്ങളെ ചൂഷണം ചെയ്യാന്‍ ആരെയും അനുവദിക്കരുതെന്നും അദ്ദേഹം നിര്‍ദേശം നല്‍കുന്നുണ്ട്. ശാസ്ത്രീയ ചികിത്സ മാത്രം അവലംബിക്കുകയെന്നും കളക്ടര്‍ ഫേസ്ബുക്കില്‍ കുറിക്കുന്നു.
ഫേസ്ബുക്ക് പോസ്റ്റിന്റെ പൂര്‍ണ്ണ രൂപം;
അരച്ചാലും, ചാലിച്ചാലും, മന്ത്രത്താലും … കോറോണ പോവില്ല.. കൈയിലെ കാശേ.. പോകൂ…
മഹാമാരിയുടെ മറവില്‍ നിങ്ങളെ ചൂഷണം ചെയ്യാന്‍ ആരെയും അനുവദിക്കരുത്.
ശാസ്ത്രീയ ചികിത്സ മാത്രം അവലംബിക്കുക..
ശാരീരിക അകലം – മാസ്‌ക് – സോപ്പ് (SMS)
