കൊച്ചി: കൊച്ചി നഗരത്തില്‍ ആശങ്കയേറുകയാണ്. ഇന്ന് കൊച്ചിയില്‍ ഒരു എക്സൈസ് ഉദ്യോഗസ്ഥനാണ് കൊവിഡ് 19 സ്ഥിരീകരിച്ചത്. എറണാകുളം എക്സൈസ് റേഞ്ചിലെ നോര്‍ത്ത് ഡിവിഷന്‍ സര്‍ക്കിള്‍ ഇന്‍സ്പെക്ടര്‍ക്കാണ് കൊവിഡ് സ്ഥിരീകരിച്ചിരിക്കുന്നത്.
ചേരാനെല്ലൂരില്‍ എന്‍ഡിപിഎസ് കേസ് പ്രതിയുടെ ദേഹപരിശോധനക്ക് പോയിരുന്നു. പ്രതിക്ക് കൊവിഡ് സ്ഥിരീകരിച്ചതിനെ തുടര്‍ന്ന് സിഐ ക്വാറന്റൈനില്‍ പ്രവേശിച്ചിരുന്നു. തുടര്‍ന്ന് നടത്തിയ പരിശോധനയിലാണ് രോഗം സ്ഥിരീകരിച്ചത്.
സിഐക്ക് കൊവിഡ് സ്ഥിരീകരിച്ച പശ്ചാത്തലത്തില്‍ ഓഫീസിലെ 15 ഉദ്യോഗസ്ഥര്‍ കൂടി നിരീക്ഷണത്തില്‍ പ്രവേശിച്ചു. ഇദ്ദേഹത്തിന്റെ കുടുംബവും നിരീക്ഷണത്തില്‍ പ്രവേശിച്ചിരിക്കുകയാണ്.
Discussion about this post