തിരുവനന്തപുരം: സംസ്ഥാനത്തെ 16 പ്രദേശങ്ങളെ കൂടി ഹോട്ട്സ്പോട്ടായി പ്രഖ്യാപിച്ചു. പത്തനംതിട്ട ജില്ലയിലെ ചെറുകോല് (കണ്ടൈന്മെന്റ് സോണ്: വാര്ഡ് 2, 12, 13), കടപ്ര (8, 9), കൊടുമണ് (2, 13, 17), നാരങ്ങാനം (7), കണ്ണൂര് ജില്ലയിലെ കടമ്പൂര് (7), പന്ന്യന്നൂര് (1), കണ്ണപുരം (8), പാലക്കാട് ജില്ലയിലെ ഓങ്ങല്ലൂര് (16), കാരാക്കുറിശ്ശി (6), കാഞ്ഞിരപ്പുഴ (1), തൃശൂര് ജില്ലയിലെ മൂരിയാട് (9, 13, 14), ഇരിങ്ങാലക്കുട മുന്സിപ്പാലിറ്റി (27), കൊല്ലം ജില്ലയിലെ പരവൂര് മുന്സിപ്പാലിറ്റി (3, 9, 11, 12, 19, 20, 22, 26, 27), വെളിയം (എല്ലാ വാര്ഡുകളും), കോഴിക്കോട് ജില്ലയിലെ ചങ്ങരോത്ത് (14, 15, 19), പേരാമ്പ്ര (17, 18, 19) എന്നിവയാണ് പുതിയ ഹോട്ട് സ്പോട്ടുകള്.
അതേസമയം 9 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. പത്തനംതിട്ട ജില്ലയിലെ കുളനട (കണ്ടൈന്മെന്റ് സോണ്: വാര്ഡ് 14), റാന്നി (1, 2), കൊല്ലം ജില്ലയിലെ കരുന്നാഗപ്പള്ളി മുന്സിപ്പാലിറ്റി (15), മേലില (15), പാലക്കാട് ജില്ലയിലെ മണ്ണൂര് (2), ചാലിശ്ശേരി (9, 14), കോട്ടയം ജില്ലയിലെ പള്ളിക്കത്തോട് (8), കോഴിക്കോട് ജില്ലയിലെ ഒളവണ്ണ (9), വയനാട് ജില്ലയിലെ കല്പ്പറ്റ മുന്സിപ്പാലിറ്റി (5, 9, 10, 11, 14, 15, 18, 19 കല്പ്പറ്റ ആനപ്പാലം റോഡ് മുതല് ട്രാഫിക് ജങ്ഷന്വരെയുള്ള ബൈപാസ് റോഡ്) എന്നീ പ്രദേശങ്ങളെയാണ് കണ്ടൈന്മെന്റ് സോണില് നിന്നും ഒഴിവാക്കിയത്. ഇതോടെ സംസ്ഥാനത്തെ ഹോട്ട്സ്പോട്ടുകളുടെ എണ്ണം 234 ആയി.
അതേസമയം തുടര്ച്ചയായ രണ്ടാം ദിവസവും കൊവിഡ് രോഗികളുടെ എണ്ണം 600 കടന്നു. ഇന്ന് 623 പേര്ക്ക് കൊവിഡ്-19 സ്ഥിരീകരിച്ചു.തിരുവനന്തപുരം ജില്ലയില് നിന്നുള്ള 157 പേര്ക്കും, കാസര്ഗോഡ് ജില്ലയില് നിന്നുള്ള 74 പേര്ക്കും, എറണാകുളം ജില്ലയില് നിന്നുള്ള 72 പേര്ക്കും, പത്തനംതിട്ട, കോഴിക്കോട് ജില്ലകളില് നിന്നുള്ള 64 പേര്ക്ക് വീതവും, ഇടുക്കി ജില്ലയില് നിന്നുള്ള 55 പേര്ക്കും, കണ്ണൂര് ജില്ലയില് നിന്നുള്ള 35 പേര്ക്കും, കോട്ടയം ജില്ലയില് നിന്നുള്ള 25 പേര്ക്കും, ആലപ്പുഴ ജില്ലയില് നിന്നുള്ള 20 പേര്ക്കും, പാലക്കാട് ജില്ലയില് നിന്നുള്ള 19 പേര്ക്കും, മലപ്പുറം ജില്ലയില് നിന്നുള്ള 18 പേര്ക്കും, കൊല്ലം ജില്ലയില് നിന്നുള്ള 11 പേര്ക്കും, തൃശൂര് ജില്ലയില് നിന്നുള്ള 5 പേര്ക്കും, വയനാട് നിന്നുള്ള 4 പേര്ക്കുമാണ് ഇന്ന് രോഗ ബാധ സ്ഥിരീകരിച്ചത്.
ജൂലൈ 12 ന് മരണമടഞ്ഞ ഇടുക്കി സ്വദേശി വത്സമ്മ ജോയ് (59)യുടെ പുനര് പരിശോധനഫലും ഇതില് ഉള്പെടുന്നു.ഇന്ന് രോഗം സ്ഥിരീകരിച്ചവരില് 96 പേര് വിദേശ രാജ്യങ്ങളില് നിന്നും 76 പേര് മറ്റ് സംസ്ഥാനങ്ങളില് നിന്നും വന്നതാണ്. 432 പേര്ക്കാണ് സമ്പര്ക്കത്തിലൂടെയാണ് രോഗം ബാധിച്ചത്. അതില് 37 പേരുടെ ഉറവിടം വ്യക്തമല്ല. തിരുവനന്തപുരം ജില്ലയിലെ 137 പേര്ക്കും, എറണാകുളം ജില്ലയിലെ 64 പേര്ക്കും, കോഴിക്കോട് ജില്ലയിലെ 63 പേര്ക്കും, കാസര്ഗോഡ് ജില്ലയിലെ 57 പേര്ക്കും, പത്തനംതിട്ട ജില്ലയിലെ 42 പേര്ക്കും, ഇടുക്കി ജില്ലയിലെ 23 പേര്ക്കും, കോട്ടയം ജില്ലയിലെ 21 പേര്ക്കും, കൊല്ലം ജില്ലയിലെ 8 പേര്ക്കും, ആലപ്പുഴ ജില്ലയിലെ 6 പേര്ക്കും, മലപ്പുറം ജില്ലയിലെ 4 പേര്ക്കും, കണ്ണൂര് ജില്ലയിലെ 3 പേര്ക്കും, തൃശൂര്, പാലക്കാട് ജില്ലകളിലെ 2 പേര്ക്ക് വീതവുമാണ് സമ്പര്ക്കത്തിലൂടെ രോഗം ബാധിച്ചത്.
9 ആരോഗ്യ പ്രവര്ത്തകര്ക്കും രോഗം ബാധിച്ചു. തിരുവനന്തപുരം ജില്ലയിലെ അഞ്ചും, പത്തനംതിട്ട, എറണാകുളം, ഇടുക്കി, കാസര്ഗോഡ് ജില്ലകളിലെ ഒന്നും വീതം ആരോഗ്യ പ്രവര്ത്തകര്ക്കാണ് രോഗം സ്ഥിരീകരിച്ചത്. ഇതുകൂടാതെ കണ്ണൂര് ജില്ലയിലെ 9 ഡി.എസ്.സി. ജവാന്മാര്ക്കും രോഗം ബാധിച്ചു.
രോഗം സ്ഥിരീകരിച്ച് ചികിത്സയിലായിരുന്ന 196 പേരുടെ പരിശോധനാഫലം നെഗറ്റീവ് ആയി. പാലക്കാട് ജില്ലയില് നിന്നുള്ള 53 പേരുടെയും, മലപ്പുറം ജില്ലയില് നിന്നുള്ള 44 പേരുടെയും (പാലക്കാട് 2, തൃശൂര് 1), പത്തനംതിട്ട ജില്ലയില് നിന്നുള്ള 19 പേരുടെയും, കാസര്ഗോഡ് ജില്ലയില് നിന്നുള്ള 17 പേരുടെയും, കോഴിക്കോട് ജില്ലയില് നിന്നുള്ള 15 പേരുടെയും (പത്തനംതിട്ട1, മലപ്പുറം 1), കോട്ടയം ജില്ലയില് നിന്നുള്ള 13 പേരുടെയും (പത്തനംതിട്ട 3, ഇടുക്കി 1), തിരുവനന്തപുരം ജില്ലയില് നിന്നുള്ള 11 പേരുടെയും (കൊല്ലം1),കണ്ണൂര് ജില്ലയില് നിന്നുള്ള 10 പേരുടെയും (കോഴിക്കോട് 1, കാസര്ഗോഡ്4), കൊല്ലം ജില്ലയില് നിന്നുള്ള 8 പേരുടെയും, ഇടുക്കി ജില്ലയില് നിന്നുള്ള 3 പേരുടെയും, എറണാകുളം, തൃശൂര്, വയനാട് ജില്ലകളില് നിന്നുള്ള ഓരോരുത്തരുടെ വീതവും പരിശോധനാഫലം ആണ് ഇന്ന് നെഗറ്റീവ് ആയത്. ഇതോടെ 4880 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 4636 പേര് ഇതുവരെ കോവിഡില് നിന്നും മുക്തി നേടി.
സംസ്ഥാനത്തെ വിവിധ ജില്ലകളിലായി 1,84,601 പേരാണ് ഇപ്പോള് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,79,612 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 4989 പേര് ആശുപത്രികളിലും നിരീക്ഷണത്തിലാണ്. 602 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
അതേസമയം പരിശോധനാ ഫലവും വര്ധിപ്പിച്ചിട്ടുണ്ട്. കഴിഞ്ഞ 24 മണിക്കൂറിനിടെ 16,444 സാമ്പിളുകളാണ് പരിശോധിച്ചത്. റുട്ടീന് സാമ്പിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജെന് അസ്സെ എന്നിവ ഉള്പ്പെടെ ഇതുവരെ ആകെ 4,53,716 സാമ്പിളുകളാണ് പരിശോധനയ്ക്കായി അയച്ചത്. ഇതില് 7485 സാമ്പിളുകളുടെ പരിശോധനാ ഫലം വരാനുണ്ട്. ഇതില് സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 82,568 സാമ്പിളുകള് ശേഖരിച്ചതില് 78,415 സാമ്പിളുകള് നെഗറ്റീവ് ആയി.
Discussion about this post