കോഴിക്കോട്: നാദാപുരം കടമേരിയില്‍ വീടിന്റെ ടെറസില്‍ കഞ്ചാവ് ചെടികള്‍ വളര്‍ത്തിയ യുവാവ് അറസ്റ്റില്‍. കീരിയങ്ങാടി കല്ലുങ്കല്‍കുനില്‍ നസീറാണ് പിടിയിലായത്.
വീടിന്റെ ടെറസില്‍ നിന്നും 11 കഞ്ചാവ് ചെടികള്‍ കണ്ടെത്തി. ഒന്നര മീറ്ററോളം ഉയരത്തില്‍ വളര്‍ച്ച എത്തിയ കഞ്ചാവ് ചെടികളാണ് പിടികൂടിയത്. നാദാപുരം സിഐയും സംഘവും നടത്തിയ പരിശോധനയിലാണ് നസീര്‍ പിടിയിലായത്.
നസീര്‍ നേരത്തേയും മയക്കുമരുന്ന് കേസില്‍ പ്രതിയാണ്. വടകര റൂറല്‍ എസ്പി ശ്രീനിവാസിന് ലഭിച്ച രഹസ്യ സന്ദേശത്തെ തുടര്‍ന്നായിരുന്നു പരിശോധന.