കൊച്ചി: വന്ദേ ഭാരത് മിഷന്റെ ഭാഗമായി ഇന്ന് 1490 പ്രവാസികള്‍ കൊച്ചിയില്‍ എത്തിച്ചേരും. ഗള്‍ഫ് മേഖലയില്‍ നിന്നുള്ള ഏഴ് വിമാനങ്ങളാണ് ഇന്ന് നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ എത്തുന്നത്.
അതേസമയം ഷാര്‍ജയില്‍ നിന്നുള്ള പ്രവാസികളുമായി ഒരു എയര്‍ അറേബ്യ വിമാനം ഇന്ന് പുലര്‍ച്ചെ 4.30 ന് കൊച്ചിയില്‍ എത്തിയിരുന്നു.
പ്രവാസികളുമായി ജിദ്ദയില്‍ നിന്നുള്ള സൗദി എയര്‍ലൈന്‍സ് രാവിലെ 11.30 ന് എത്തിച്ചേരും. ഇന്‍ഡിഗോ വിമാനം രാത്രി 11.15 നാണ് എത്തുക. കഴിഞ്ഞ ദിവസം വിവിധ രാജ്യങ്ങളില്‍ നിന്നുള്ള ഒമ്പത് വിമാനങ്ങളിലായി 1610 പ്രവാസികളാണ് കൊച്ചിയില്‍ എത്തിയത്.