മലപ്പുറം: പത്താംക്ലാസ്സുകാരിയായ ദളിത് വിദ്യാര്‍ത്ഥിനിയെ തൂങ്ങിമരിച്ച നിലയില്‍ കണ്ടെത്തി. മലപ്പുറം ജില്ലയിലാണ് സംഭവം. പന്താരങ്ങാടി ലക്ഷംവീട് കോളനിയിലെ അഞ്ജലിയെയാണ് വീട്ടിലെ അടുക്കളയില്‍ തൂങ്ങിമരിച്ച നിലയില്‍ കണ്ടെത്തിയത്. സംഭവത്തില്‍ പോലീസ് കേസെടുത്തു.
ഇന്നലെ വൈകിട്ട് മൂന്നു മണിയോടെയാണ് അഞ്ജലിയെ തൂങ്ങിമരിച്ച നിലയില്‍ കണ്ടെത്തിയത്. മൂത്ത സഹോദരിമാരോടൊപ്പം ടിവി കാണുകയായിരുന്ന അഞ്ജലി മുറിയില്‍ നിന്ന് ഇറങ്ങിപ്പോയി അടുക്കളയില്‍ തൂങ്ങി മരിക്കുകയായിരുന്നുവെന്നാണ് വീട്ടുകാര്‍ പറയുന്നത്.
ഓണ്‍ലൈന്‍ ക്ലാസുകള്‍ മനസിലാകാത്ത വിഷമം മാത്രമാണ് കുട്ടിക്കുണ്ടായിരുന്നതെന്നും പത്താംക്ലാസിലായതിനാല്‍ മാര്‍ക്ക് കുറയുമോ എന്ന ഭയമുണ്ടായിരുന്നതായും വീട്ടുകാര്‍ പറഞ്ഞു. അതേസമയം വീട്ടില്‍ വഴക്കുണ്ടായതിന്റെ പിന്നാലെയാണ് കുട്ടി തൂങ്ങി മരിച്ചെന്നാണ് പോലീസിന്റെ പ്രാഥമിക അന്വേഷണത്തില്‍ കണ്ടെത്തിയിട്ടുള്ളത്.
Discussion about this post