ശാസ്താവട്ടം; പാമ്പിനെ പിടിക്കുന്നതിനിടെ പാമ്പ് പിടുത്തക്കാരന്‍ സക്കീര്‍ ശാസ്തവട്ടം പാമ്പ് കടിയേറ്റ് മരിച്ചു. നാവായിക്കുളം 28ആം മൈല്‍ കാഞ്ഞിരംവിളയില്‍ 5 വയസ്സുള്ള മൂര്‍ഖനെ പിടികൂടുന്നതിനിടയിലാണ് കടിയേറ്റത്. ഇന്നലെ രാത്രി എട്ടരയോടെയാണ് സംഭവം.
നാവായിക്കുളം 28ആം മൈല്‍ കാഞ്ഞിരംവിളയില്‍ നിന്നും പാമ്പിനെ പിടിക്കുന്നതിനിടെ സക്കീറിന്റെ കൈയ്യില്‍ പാമ്പ് കടിക്കുകയായിരുന്നു. കൈയ്യില്‍ കടിയേറ്റ സക്കീറിന്റെ വായില്‍ നിന്ന് നുരയും പതയും വരുകയും പെട്ടെന്ന് പാരിപ്പള്ളി മെഡിക്കല്‍ കോളേജ് ആശുപത്രിയില്‍ എത്തിക്കുകയും ചെയ്തു.
ആശുപത്രിയില്‍ പ്രവേശിപ്പിച്ചെങ്കിലും സക്കീറിന്റെ ജീവന്‍ രക്ഷിക്കാനായില്ല. തുടര്‍ന്ന് വാവ സുരേഷ് എത്തിയാണ് പാമ്പിനെ പിടികൂടിയത്.