കോട്ടയം: എംജി സര്‍വകലാശാല നടത്തുന്ന ആറാം സെമസ്റ്റര്‍ ബിരുദ പരീക്ഷകള്‍ (റഗുലര്‍/പ്രൈവറ്റ്/സപ്ലിമെന്ററി/സൈബര്‍ ഫോറന്‍സിക്/മോഡല്‍ 3 ഇലക്ട്രോണിക്സ്/ബി.വോക്) നാളെ മുതല്‍ ആരംഭിക്കും. റഗുലര്‍ വിദ്യാര്‍ത്ഥികള്‍ മാതൃ സ്ഥാപനത്തിലും പ്രൈവറ്റ് വിദ്യാര്‍ത്ഥികള്‍ നേരത്തേ നല്‍കിയിരുന്ന പരീക്ഷ കേന്ദ്രത്തിലും ഹാജരായാല്‍ പരീക്ഷയെഴുതാന്‍ അനുവദിക്കുമെന്നാണ് പരീക്ഷ കണ്‍ട്രോളര്‍ അറിയിച്ചത്. പരീക്ഷ കേന്ദ്രങ്ങളുടെ വിശദവിവരങ്ങള്‍ സര്‍വകലാശാല വെബ്സൈറ്റിലും സര്‍വകലാശാലയുടെ ഔദ്യോഗിക ഫേസ്ബുക്ക് പേജിലും നല്‍കിയിട്ടുണ്ട്.
പരീക്ഷ കേന്ദ്രങ്ങള്‍: ഇടുക്കി ജില്ലയില്‍ അപേക്ഷിച്ചവര്‍ ലബ്ബക്കട ജെ.പി.എം. ആര്‍ട്സ് ആന്‍ഡ് സയന്‍സ് കോളജിലും, എറണാകുളം ജില്ലയില്‍ അപേക്ഷിച്ചവര്‍ ആലുവ യുസിയിലും പത്തനംതിട്ട ജില്ലയില്‍ അപേക്ഷിച്ചവര്‍ കോഴഞ്ചേരി സെന്റ് തോമസിലും കോട്ടയം ജില്ലയില്‍ അപേക്ഷിച്ചിരുന്ന എല്ലാ ബികോം വിദ്യാര്‍ഥികളും നാട്ടകം ഗവണ്‍മെന്റ് കോളജിലും, മറ്റ് വിദ്യാര്‍ഥികള്‍ കോട്ടയം ബസേലിയസിലും പരീക്ഷയെഴുതണം.
ആലപ്പുഴ ജില്ലയില്‍ അപേക്ഷിച്ചവര്‍ക്കുള്ള പരീക്ഷ കേന്ദ്രങ്ങള്‍: എസ്.ഡി. കോളജ്, നൈപുണ്യ സ്‌കൂള്‍ ഓഫ് മാനേജ്മെന്റ്, ചേര്‍ത്തല, പോരുകര കോളജ് ഓഫ് എജ്യുക്കേഷന്‍, സെന്റ് മൈക്കിള്‍സ് കോളജ്, സെന്റ് സേവ്യേഴ്സ് കോളജ്, വൈക്കം.
Discussion about this post