കൊച്ചി: ടൊവിനോ തോമസിനെ നായകനാക്കി ബേസില് ജോസഫ് സംവിധാനം ചെയ്യുന്ന ചിത്രം മിന്നല് മുരളിയുടെ സെറ്റ് ബജ്രംഗ്ദള് പ്രവര്ത്തകര് തകര്ത്ത സംഭവത്തില് സിനിമാലോകത്ത് നിന്നും നിലയ്ക്കാതെ പ്രതിഷേധമുയരുന്നു. രൂക്ഷ വിമര്ശനം തന്നെയാണ് നടന്മാരും സംവിധായകരും അടക്കമുളളവര് ഉയര്ത്തുന്നത്.
സിനിമാക്കാര് ഫോട്ടോ സഹിതം പോസ്റ്റിട്ട് കരഞ്ഞ് നിലവിളിക്കുന്നത് വെറും രാഷ്ട്രീയ അജണ്ട കാരണമാണ് എന്ന് ആരോപിച്ച് രംഗത്തെത്തിയിരിക്കുകയാണ് നടി മായ മേനോന്. കുറ്റം ചെയ്തവരെ, അവര് ഏത് പാര്ട്ടിയില് ഉള്ളവരാണെങ്കിലും കേസ് ഫയല് ചെയ്തു ശിക്ഷ വാങ്ങിക്കൊടുക്കുകയല്ലേ വേണ്ടത് എന്ന് അവര് പറയുന്നു.
അമ്പലത്തിന്റെ സെറ്റ് പൊളിച്ചാലും, പള്ളികളുടെ സെറ്റ് പൊളിച്ചാലും, അതിന് പിന്നില് വര്ക്ക് ചെയ്ത പാവം മനുഷ്യരെ ഓര്ത്താണ് തന്റെ വിഷമമെന്നും അല്ലാതെ കെട്ടിടത്തെക്കുറിച്ചല്ലെന്നും മായ മേനോന് പറയുന്നു. സിനിമ രാഷ്ട്രീയ രംഗത്തെ നിരവധി പേരാണ് ഇതിനോടകം സംഭവത്തില് പ്രതികരിച്ച് രംഗത്തെത്തിയത്.
മായ മേനോന്റെ മറ്റൊരു പോസ്റ്റ് ഇങ്ങനെ: ” പിന്നെ സാമൂഹ്യദ്രോഹികള്, റേപ്പിസ്റ്റുകള്, കൈക്കൂലിക്കാര്, വിവരദോഷികളായ രാഷ്ട്രീയക്കാര് എന്നിവര് ഒക്കെ ഒരു പാര്ട്ടിയില് മാത്രമോ, ഒരു ജാതിയില്, ഒരു മതത്തില് മാത്രമോ ആണെന്ന് ഞാന് വിചാരിക്കുന്നില്ല…. കാരണം, അനേകം അനുഭവങ്ങള് നമ്മുടെ മുന്നില് ഉണ്ട് എന്നത് തന്നെ…സോ ഇത് പക്കാ സാമൂഹ്യദ്രോഹം തന്നെ ആയി കരുതിയാല് മതി. ഒപ്പം ഈ സാമൂഹ്യദ്രോഹം ചെയ്തവര്ക്ക് എതിരെ തീര്ച്ചയായും വേണ്ട നിയമ നടപടികള് എടുക്കുക തന്നെ വേണം.
കാരണം,നിയമാനുസൃതം പെര്മിഷന് വാങ്ങി ഒരു കഥയ്ക്ക് അനുസരിച്ചു നിര്മ്മിച്ച ആ സെറ്റിന് ചിലവിട്ട പണത്തേക്കാള് കൂടുതല് അതിന് പിന്നില് പ്രവര്ത്തിച്ച ആര്ട് ഡിപ്പാര്ട്ട്മെന്റിലെ വളരെ ക്രിയേറ്റീവ്, എഫിഷ്യന്റ് ആന്ഡ് ഡെഡിക്കേറ്റഡ് ആയ പല വ്യക്തികളുടെ ക്രിയേറ്റീവ് ഐഡിയാസ്, പാവപ്പെട്ട ഒരു പാട് മനുഷ്യരുടെ ഒക്കെ രാപ്പ കല് കഠിനാധ്വാനം ഒക്കെ കൊണ്ടായിരിക്കും ആ സെറ്റ് തയ്യാറാക്കിയിട്ടുണ്ടാവുക എന്ന ഉത്തമബോദ്ധ്യം ഉള്ളത് കൊണ്ടും, ഈ ചെയ്ത പ്രവര്ത്തിയില് സമൂഹത്തിന് ദ്രോഹം അല്ലാതെ, യാതൊരു ഗുണവും പ്രഥമ ദൃഷ്ട്യാ കാണാത്തത് കൊണ്ടും ഇത്തരം അനാവശ്യം ചെയ്ത ആളുകള്ക്ക് മാതൃകാപരമായ തക്ക ശിക്ഷ തന്നെ നല്കണം എന്ന് തന്നെയാണ് എന്റെ സ്വന്തം അഭിപ്രായം.. ഇനി നഷ്ടപരിഹാരം കൊടുത്താലും, ഞാന് ആലോചിക്കുന്നത് അത് വീണ്ടും പണിതു ഉണ്ടാക്കുവാന് ആ പാവങ്ങള് ഇനിയും കഷ്ടപ്പെടേണ്ടി വരുമല്ലോ എന്നാണ്…..
NB :പിന്നെ അമ്പലത്തിന്റെ സെറ്റ് പൊളിച്ചാലും, പള്ളികളുടെ സെറ്റ് പൊളിച്ചാ ലും, അതിന് പിന്നില് work ചെയ്ത പാവം മനുഷ്യരെ ഓര്ത്താണ് എന്റെ വിഷമം.. അല്ലാതെ കെട്ടിടത്തെക്കുറിച്ചല്ല. ഇനി അഥവാ ഇത് ജാതി, മതം, രാഷ്ട്രീയം എന്നിവയുടെ പേരില് തന്നെ ചെയ്തതതാ ണെങ്കില് ആ ചെയ്ത വ്യക്തികളോട്, അവരോട് മാത്രം, ഒന്നേ പറയാനുള്ളൂ.. Shame on you narrow minded fools….-
Discussion about this post