ഇരിങ്ങാലക്കുട: വേര്‍പിരിഞ്ഞ കാമുകിയുടെ സ്വകാര്യചിത്രങ്ങള്‍ വാട്സാപ്പ് സ്റ്റാറ്റസ് ആക്കിയ സംഭവത്തില്‍ യുവാവ് അറസ്റ്റില്‍. മുളങ്കുന്നത്തുകാവ് സ്വദേശി പുളിനംപറമ്പില്‍ അനില്‍കുമാര്‍(34)ആണ് അറസ്റ്റിലായത്. യുവതി നല്‍കിയ പരാതിയുടെ അടിസ്ഥാനത്തിലാണ് അറസ്റ്റ്,
ഏറെനാള്‍ ഒരുമിച്ച് താമസിച്ച ഇരുവരും പിന്നീട് തര്‍ക്കങ്ങള്‍ കാരണം വേര്‍പിരിയുകയായിരുന്നു. തുടര്‍ന്നാണ് യുവതിയുടെ നഗ്‌നചിത്രം ഇയാള്‍ തന്റെ വാട്സാപ്പ് സ്റ്റാറ്റസാക്കിയതെന്ന് പോലീസ് പറയുന്നു.
എട്ടു മാസം മുമ്പ് മുളങ്കുന്നത്തുകാവില്‍ നഴ്സിനെ ആക്രമിച്ച് കൊലപ്പെടുത്താന്‍ ശ്രമിച്ച കേസില്‍ പ്രതിയായ ഇയാള്‍ ജാമ്യമെടുത്ത് ഇറങ്ങിയതിന് പിന്നാലെയാണ് നഗ്‌നചിത്രം പ്രചരിപ്പിച്ച സംഭവത്തില്‍ വീണ്ടും പിടിയിലായതെന്നും പോലീസ് വ്യക്തമാക്കി.
Discussion about this post