വാകത്താനം: ഓടുന്ന ബൈക്കില്‍ ഇരുന്ന് മാസ്‌ക് കെട്ടാന്‍ ശ്രമം നടത്തിയ വീട്ടമ്മ ബൈക്കിന്റെ ചക്രത്തില്‍ കുരുങ്ങി മരിച്ചു. താഴ്ന്നുപോയ മാസ്‌ക് ഉയര്‍ത്തികെട്ടാനുള്ള ശ്രമത്തിനിടെയാണ് അപകടം സംഭവിച്ചത്.
പൊങ്ങന്താനം കുന്നേല്‍ കെഎം അയ്യപ്പന്റെ ഭാര്യ വത്സമ്മ(60)യാണു മരിച്ചത്. ഇന്നലെ രാവിലെ 10.30 നു വാകത്താനത്തായിരുന്നു അപകടം. സര്‍ക്കാര്‍ ആശുപത്രിയില്‍ പോയി മകനൊപ്പം മടങ്ങുമ്പോഴാണു സംഭവം.
ഉടന്‍തന്നെ മെഡിക്കല്‍ കോളേജ് ആശുപത്രിയിലെത്തിച്ചെങ്കിലും രാത്രി എട്ടോടെ മരിച്ചു. സംസ്‌കാരം ഇന്നു വീട്ടുവളപ്പില്‍. മക്കള്‍: അജേഷ്, അജിത, അനില്‍. മരുമക്കള്‍: പ്രസീത, രാജേഷ്, ശരണ്യ.