തിരുവനന്തപുരം: കൊവിഡിന്റെ പശ്ചാത്തലത്തില് ഞായറാഴ്ച ദിവസം പൂര്ണ്ണ ഒഴിവ് ദിവസമായി കണക്കാക്കണമെന്ന് മുഖ്യമന്ത്രി പിണറായി വിജയന്. കടകളോ ഓഫീസുകളോ ഒന്നും തുറക്കാന് പാടില്ലെന്നും വാഹനങ്ങളും ഞായറാഴ്ച ദിവസം നിരത്തിലിറക്കരുതെന്നും മുഖ്യമന്ത്രി ആവശ്യപ്പെട്ടു. കൊവിഡ് അവലോകന യോഗത്തിന് ശേഷം നടത്തിയ വാര്ത്ത സമ്മേളനത്തിലാണ് മുഖ്യമന്ത്രി ഇക്കാര്യം പറഞ്ഞത്.
അതെസമയം നാളെ (ഞായറാഴ്ച) നിയന്ത്രണം ഉണ്ടാകില്ലെന്നും മുഖ്യമന്ത്രി പറഞ്ഞു. എന്നാല് പറ്റുന്നവര് എല്ലാം സ്വയം നിയന്ത്രിക്കണമെന്നും മുഖ്യമന്ത്രി കൂട്ടിച്ചേര്ത്തു, തുടര്ന്നുള്ള ഞായറാഴ്ചകളില് നിയന്ത്രണങ്ങള് പൂര്ണ്ണ തോതില് കൊണ്ടുവരാനാകണമെന്നും, ഇക്കാര്യങ്ങളുമായി മുഴുവന് ജനങ്ങളും സഹകരിക്കണമെന്നും അദ്ദേഹം ആവശ്യപ്പെട്ടു.
അവശ്യ സേവനങ്ങളല്ലാത്ത സര്ക്കാര് ഓഫീസുകള് മെയ് 15 വരെ പ്രവര്ത്തിക്കാം. ഗ്രൂപ്പ് എ, ബി ഉദ്യോഗസ്ഥരുടെ 50 ശതമാനവും സിഡി ഉദ്യോഗസ്ഥരുടെ 33 ശതമാനവും ഹാജരാകണമെന്നും മുഖ്യമന്ത്രി പറഞ്ഞു.
Discussion about this post