ആറളം: കാട്ടാനയുടെ ആക്രമണത്തില്‍ കണ്ണൂര്‍ ആറളം ഫാമില്‍ തൊഴിലാളി കൊല്ലപ്പെട്ടു. ആറളം പന്നിമൂല സ്വദേശി നാരായണന്‍ ആണ് കൊല്ലപ്പെട്ടത്. 55 വയസായിരുന്നു. ഇന്ന് രാവിലെ പത്ത് മണിയോടെ ഫാമിലെ നാലാം ബ്ലോക്കില്‍ വെച്ചാണ് കാട്ടാനയുടെ ആക്രമണമുണ്ടായത്.
കശുവണ്ടി പറിക്കുന്നതിന് വേണ്ടി പുറത്ത് ഇറങ്ങിയപ്പോഴാണ് കാട്ടാന നാരായണനെ ആക്രമിച്ചത്. ഇന്‍ക്വസ്റ്റ് നടപടികള്‍ക്ക് ശേഷം മൃതദേഹം പോസ്റ്റ്‌മോര്‍ട്ടത്തിനായി ആശുപത്രിയിലേക്ക് മാറ്റിയിരിക്കുകയാണ്. നേരത്തേയും നിരവധി പേര്‍ ആറളം ഫാമില്‍ കാട്ടാനയുടെ ആക്രമണത്തില്‍ കൊല്ലപ്പെട്ടിരുന്നു.
Discussion about this post