കോഴിക്കോട്: ലോക്ക് ഡൗണില്‍ എറണാകുളത്തു നിന്ന് റെയില്‍പ്പാളത്തിലൂടെ നടന്ന് കോഴിക്കോടെത്തിയ രണ്ട് പേര്‍ കസ്റ്റഡിയില്‍. കാസര്‍കോട്ടേക്ക് റെയില്‍പ്പാളത്തിലൂടെ നടന്നെത്താന്‍ ശ്രമിച്ച രണ്ടു യുവാക്കളാണ് ഫറോക്ക് പുറ്റെക്കാട് നിന്ന് പോലീസ് പിടികൂടിയത്.
കാസര്‍കോട് നെല്ലിക്കുന്ന് സ്വദേശികളായ രണ്ടുപേരെയാണ് ഞായറാഴ്ച രാത്രി പാളത്തില്‍നിന്നു പിടികൂടിയത്. കഴിഞ്ഞ ബുധനാഴ്ചയാണ് എറണാകുളത്തുനിന്ന് ഇരുവരും യാത്രതിരിച്ചത്.
ഞായറാഴ്ച എട്ടോടെ രണ്ടുപേര്‍ പാളത്തിലൂടെ നടന്നുപോവുന്നത് കണ്ട് നാട്ടുകാരാണ് പോലീസില്‍ വിവരമറിയിച്ചത്. വിവരമറിഞ്ഞ് സ്ഥലത്തെതിയ ഫറോക്ക് എസ്ഐ കൃഷ്ണനാണ് യുവാക്കളെ കസ്റ്റഡിയിലെടുത്തത്. പോലീസ് പിന്നീട് ഇരുവരെയും ആശുപത്രിയില്‍ പ്രവേശിപ്പിച്ചു.
Discussion about this post