എടപ്പാള്: വഴി തെറ്റി എടപ്പാളിലെത്തിയ പഞ്ചാബിക്കാരന് ഒടുവില് നിരീക്ഷണ ക്യാമ്പിലുമായി. വഴി തെറ്റി ആനക്കര പഞ്ചായത്തിലെ കുമ്പിടിയില് എത്തിയ പഞ്ചാബ് സ്വദേശി ലഗ്വീന്ദര് സിങ്ങിനെയാണ് ആരോഗ്യവകുപ്പ് ചേര്ന്ന് ആനക്കര ഗവ ഹയര്സെക്കന്ററി സ്ക്കൂളിലെ നിരീക്ഷണ കേന്ദ്രത്തിലേക്ക് മാറ്റിയത്.
പഞ്ചാബിലെ വിശ്വ പ്രസിദ്ധമായ സുവര്ണ്ണ ക്ഷേത്രത്തിനടുത്ത് നിന്നാണ് ലഗ്വീന്ദര് സിങ് കേരളത്തിലെ എടപ്പാളിനടുത്ത് പടിഞ്ഞാറങ്ങാടിയിലെത്തിയത്. എങ്ങിനെയെത്തിയെന്ന് അദ്ദേഹത്തിന് ഓര്ത്തെടുക്കാനാകുന്നില്ല. ലോക്ക് ഡൗണില് ട്രെയിന് യാത്രക്കിടെ എവിടെയോ ഇറങ്ങിയതാണ്. പിന്നെ നടക്കുകയായിരുന്നുവെന്ന് ലഗ്വീന്ദര് സിങ് പറയുന്നു.
കമ്മ്യൂണിറ്റി കിച്ചണ് ഉദ്ഘാടന ദിവസം രാവിലെയാണ് ലഗ്വീന്ദര് സിങ് വഴിതെറ്റി ആനക്കര പഞ്ചായത്തിലെത്തിയത്. ഇദ്ദേഹത്തെ അപ്പോള് തന്നെ പഞ്ചായത്ത്, ആരോഗ്യവകുപ്പ് ചേര്ന്ന് ആനക്കര ഗവ ഹയര്സെക്കരന്ററി സ്ക്കൂളിലെ നിരീക്ഷണ കേന്ദ്രത്തിലേക്ക് മാറ്റുകയായിരുന്നു.
ഇനിയേതായാലും ലോക്ക് ഡൗണും ആനക്കരയുടെ ക്വാറന്റയിനും കഴിഞ്ഞ് പോകാമെന്നാണ് ലഗ്വീന്ദര് സിങ്ങിന്റെ തീരുമാനം. ഇദ്ദേഹം വഴിതെറ്റി എത്തിയ വിവരം അധികൃതര് വീട്ടിലെ നമ്പര് വാങ്ങി വിളിച്ചു പറഞ്ഞു. വിവരമറിഞ്ഞപ്പോള് വീട്ടുകാര്ക്കും ആശ്വാസമായി. അദ്ദേഹത്തിന് കമ്മ്യൂണിറ്റി കിച്ചണില് നിന്നും ഒരു പൊതിച്ചോറും ഉറങ്ങാനിടവും അധികൃതര് നല്കി.
Discussion about this post