പാലക്കാട്: പാലക്കാട് ജയിലിൽ മോഷണക്കേസിൽ അറസ്റ്റിലായി റിമാന്റിൽ കഴിയുകയായിരുന്ന തടവുകാരൻ സാനിറ്റൈസർ കഴിച്ച് ആത്മഹത്യ ചെയ്തു. മുണ്ടൂർ സ്വദേശി രാമൻകുട്ടിയാണ് ആത്മഹത്യ ചെയ്തത്. ജയിലിൽ തന്നെ നിർമ്മിച്ച സാനിറ്റൈസറാണ് ഇയാൾ എടുത്ത് കഴിച്ചത്.
മോഷണ കേസിൽ അറസ്റ്റിലായ ഇയാളെ ഫെബ്രുവരി 18 ന് റിമാന്റ് ചെയ്തിരുന്നു. മാർച്ച് 24നാണ് ഇയാൾ സാനിറ്റൈസർ കുടിച്ചത്. അവശനിലയിലായ ഇയാളെ പാലക്കാട് ജില്ലാ ആശുപത്രിയിൽ പ്രവേശിപ്പിച്ചിരുന്നെങ്കിലും ജീവൻ രക്ഷിക്കാനായിരുന്നില്ല. തീവ്രപരിചരണ വിഭാഗത്തിൽ ചികിത്സയിലിരിക്കെ ഇന്ന് മരണം സംഭവിക്കുകയായിരുന്നു.
കഴിഞ്ഞദിവസമാണ് ജയിലിൽ സാനിറ്റൈസർ നിർമ്മാണം ആരംഭിച്ചത്. തടവുകാർ തന്നെയാണ് സാനിറ്റൈസർ നിർമ്മാണത്തിൽ പ്രധാനമായും സഹകരിക്കുന്നത്. ഇതിനിടെയാണ് റിമാന്റ് തടവുകാരൻ സാനിറ്റൈസർ എടുത്ത് കഴിച്ചത്.
Discussion about this post