ലോകം ഒന്നടങ്കം കൊറോണ ഭീതിയിലാണ്. പതിനായിരങ്ങളുടെ ജീവനും കവര്‍ന്ന് കൊറോണ പടര്‍ന്നുപിടിക്കുമ്പോള്‍ പ്രതിരോധ പ്രവര്‍ത്തനങ്ങളും നിയന്ത്രണങ്ങളുമെല്ലാം ശക്തമാക്കി, വൈറസിനെ പിടിച്ചുകെട്ടാനുള്ള ശ്രമത്തിലാണ് ലോക രാജ്യങ്ങള്‍. കൊറോണയെ പ്രതിരോധിക്കാന്‍ മുന്‍കരുതല്‍ നടപടികള്‍ സ്വീകരിക്കണമെന്നും നിര്‍ദേശങ്ങള്‍ പാലിക്കണമെന്നും ആവര്‍ത്തിക്കുകയാണ് കേരള സര്‍ക്കാരും.
ജനങ്ങളെ ബോധവത്കരിക്കുന്നതിന്റെ ഭാഗമായി ഇതിനോടകം നിരവധി വീഡിയോകളും കുറിപ്പുകളും സോഷ്യല്‍മീഡിയയില്‍ നിറഞ്ഞിട്ടുണ്ട്. അത്തരത്തില്‍ ഇപ്പോള്‍ ജനശ്രദ്ധ നേടുകയാണ് ബിഗ് ന്യൂസ് പുറത്തിറക്കിയ കൊറോണ പ്രതിരോധ സന്ദേശം പകരുന്ന ട്രോള്‍ രൂപത്തിലുള്ള വീഡിയോ.
നിര്‍ദേശങ്ങളെല്ലാം പാലിച്ച് എല്ലായാത്രകളും മാറ്റി വെച്ച് ജനങ്ങള്‍ കഴിവതും വീടിനുള്ളില്‍ തന്നെ കഴിയണമെന്നാണ് വീഡിയിയോയിലൂടെ ആവശ്യപ്പെടുന്നത്. കൊറോണ വ്യാപനം തടയാന്‍ ഇത് ഏറെ സഹായകരമാകും. ബിഗ് ന്യൂസ് പുറത്തിറക്കിയ വീഡിയോ ഇപ്പോള്‍ സോഷ്യല്‍മീഡിയയില്‍ ജനശ്രദ്ധ നേടി പ്രചരിക്കുകയാണ്.