കേരളക്കരയുടെ പ്രിയ റിയാലിറ്റി ഷോയായി മാറിയിരിക്കുകയാണ് ബിഗ്‌ബോസ്. നിയമം തെറ്റിച്ചതിനെ തുടര്‍ന്ന് പുറത്താക്കപ്പെട്ട രജിത്ത് എന്ന മത്സരാര്‍ത്ഥിക്കായി ഫാന്‍സ് കഴിഞ്ഞ ദിവസം എയര്‍പോര്‍ട്ടില്‍ സ്വീകരണമൊരുക്കിയത് വന്‍ വാര്‍ത്തയായിരുന്നു.
കൊറോണ ജാഗ്രതാ നിര്‍ദേശങ്ങളെല്ലാം കാറ്റില്‍പ്പറത്തിക്കൊണ്ടായിരുന്നു വിമാനത്താവളത്തില്‍ രജിത്തിനെ സ്വീകരിക്കാനായി ജനങ്ങള്‍ ഒത്തുചേര്‍ന്നത്. ഇതേ തുടര്‍ന്ന് ബിഗ് ബോസ് മലയാളം സീസണ്‍ രണ്ട് മത്സരാര്‍ത്ഥി രജിത്ത് കുമാറിനെതിരെ കേസ് രജിസ്റ്റര്‍ ചെയ്തു. കൂടാതെ വിമാനത്താവളത്തില്‍ കൂട്ടം കൂടിയതിന് കണ്ടാല്‍ അറിയാവുന്ന നാല് പേരടക്കം 75 പേര്‍ക്കെതിരെയും കേസെടുത്തു.
രജിത്തിനെ അനുകൂലിച്ചും പ്രതികൂലിച്ചും നിരവധി പേരാണ് സോഷ്യല്‍മീഡിയയില്‍ പ്രതികരണം അറിയിച്ചത്. സംഭവം ട്രോളന്മാരും ഏറ്റെടുത്തു. രജിത്തിന്റെ പുറത്താകലിനെ കുറിച്ച് സമൂഹമാധ്യമങ്ങളില്‍ വ്യാപകമായി ട്രോളുകള്‍ പ്രചരിക്കുകയാണ് ഇപ്പോള്‍. ഏതാനും ട്രോളുകള്‍ കാണാം.
