തിരുവനന്തപുരം: കൊവിഡ് 19 വൈറസ് ബാധയുടെ പശ്ചാത്തലത്തില് വാര്ത്ത സമ്മേളനം നടത്തിയ ആരോഗ്യമന്ത്രിക്ക് മീഡിയ മാനിയയാണെന്ന് പറഞ്ഞ് പ്രതിപക്ഷ നേതാവ് രമേശ് ചെന്നിത്തലയെ രൂക്ഷമായി വിമര്ശിച്ച് സംഗീതജ്ഞന് ഷാന് റഹ്മാന്. പ്രതിപക്ഷത്തിന്റെ പ്രവൃത്തി ലജ്ജാകരമാണ്. എല്ലാവരും ഒരുമിച്ച് നില്ക്കേണ്ട സമയത്ത് ചീപ്പ് നാടകമാണ് നിങ്ങള് കളിക്കുന്നതെന്ന് ഷാന് റഹ്മാന് പറഞ്ഞു. ഫേസ്ബുക്ക് പോസ്റ്റിലൂടെയായിരുന്നു ഷാന് റഹ്മാന്റെ വിമര്ശനം.
ഫേസ്ബുക്ക് പോസ്റ്റ്:
‘ജനങ്ങളുടെ സംരക്ഷണത്തിന് വേണ്ടി രാപ്പകല് വ്യത്യാസമില്ലാതെയാണ് ആരോഗ്യമന്ത്രി പ്രവര്ത്തിക്കുന്നത്. ലോകം മുഴുവന് അവരെ ഉറ്റുനോക്കുകയാണ്. ലോകം മുഴുവന് നമ്മളില് നിന്ന് പഠിക്കാന് ശ്രമിച്ചുകൊണ്ടിരിക്കുകയാണ്. നിങ്ങള്ക്ക് ഇതൊന്നും സഹിക്കില്ല എന്ന് അറിയാം. പ്രശസ്തി മുഴുവനും അവര് കൊണ്ടുപോകുമോ എന്ന ഭയമാണ് നിങ്ങള്ക്ക്. പ്രശസ്തിക്ക് വേണ്ടി ഒന്നും ചെയ്യാന് ആഗ്രഹിക്കാത്തവര് ആരെങ്കിലും ഉണ്ടെങ്കില് അത് ശൈലജ ടീച്ചര് മാത്രമാണ്. അവര് അവരുടെ കടമ ചെയ്യുന്നു എന്നുമാത്രം. പ്രതിപക്ഷത്തിന്റെ പ്രവൃത്തി ലജ്ജാകരമാണ്. എല്ലാവരും ഒരുമിച്ച് നില്ക്കേണ്ട സമയത്ത് ചീപ്പ് നാടകമാണ് നിങ്ങള് കളിക്കുന്നത്. ആരോഗ്യമന്ത്രി പറഞ്ഞത് പോലെ ജനങ്ങള് എല്ലാം കാണുന്നുണ്ട്.’- ഷാന് റഹ്മാന് ഫെയ്സ്ബുക്കില് കുറിച്ചു.
Discussion about this post