തോപ്പുംപടി: ചലച്ചിത്ര നിര്‍മാതാവായ ആരിഫ ഹസ്സന്‍ അന്തരിച്ചു. 76 വയസായിരുന്നു. എന്റര്‍പ്രൈസസ് ഉടമ ഹസ്സന്റെ ഭാര്യാണ് ആരിഫ ഹസ്സന്‍. ആരിഫ എന്റര്‍പ്രൈസസിന്റെ ബാനറില്‍ ചക്രായുധം, തടാകം, അനുരാഗക്കോടതി, സാമ്രാജ്യം, സൊസൈറ്റി ലേഡി, അസുരന്‍, ഭീമന്‍, കാഹളം, ശുദ്ധമദ്ദളം, മൂര്‍ഖന്‍, ബെന്‍സ് വാസു, രക്ഷസ്സ്, ജനകീയ കോടതി, അവള്‍ നിരപരാധി തുടങ്ങി നിരവധി ചിത്രങ്ങളാണ് നിര്‍മ്മിച്ചിട്ടുള്ളത്.
ഭീമന്‍ രഘു സിനിമയില്‍ ആദ്യമായി അഭിനയിക്കുന്നത് ആരിഫ നിര്‍മ്മിച്ച മൂര്‍ഖന്‍ എന്ന ചിത്രത്തിലാണ്. ജോഷിയായിരുന്നു ചിത്രത്തിന്റെ സംവിധായകന്‍. മക്കള്‍: ചലച്ചിത്ര നിര്‍മ്മാതാവ് അജ്മല്‍ ഹസ്സന്‍, അന്‍വര്‍, അല്‍ത്താഫ്, പരേതരായ അഷ്‌കര്‍, അഫ്‌സല്‍. മരുമക്കള്‍: ഷക്കീല, സീന, രേഖ.