കുസൃതി നിറഞ്ഞ കുട്ടികളുടെ വീഡിയോകള്‍ പെട്ടെന്നാണ് ജനശ്രദ്ധ നേടുന്നത്. പലതും സമൂഹമാധ്യമങ്ങളില്‍ നിമിഷ നേരം കൊണ്ട് വൈറലാവാറുമുണ്ട്. കുഞ്ഞുമക്കളുടെ പാട്ടുകള്‍ക്കും ഡാന്‍സിനും പുറമെ അവരുടെ നിഷ്‌കളങ്കത നിറഞ്ഞ ഓരോ വീഡിയോകളും ആഘോഷമാക്കുന്ന സോഷ്യല്‍മീഡിയ അത്തരത്തില്‍ ഇന്ന് ഏറ്റെടുത്തിരിക്കുന്നത് പ്രതിജ്ഞ ചൊല്ലുന്ന ഒരു കുഞ്ഞുമോളുടെ വീഡിയോയാണ്.
സ്‌കൂള്‍ അസംബ്ലിയില്‍ പ്രതിജ്ഞ ചൊല്ലുകയാണ് കുട്ടി. മുന്നില്‍ മറ്റ് വിദ്യാര്‍ത്ഥികളും അധ്യാപകരും എല്ലാവരും നിരന്ന് നില്‍ക്കുന്നതും കാണാം. ടീച്ചര്‍ പിടിച്ചുകൊടുത്ത മൈക്കിലൂടെയാണ് ടീച്ചര്‍ക്കൊപ്പം ഈ കുഞ്ഞുമിടുക്കി പ്രതിജ്ഞ ചൊല്ലുന്നത്.
അധ്യാപകരും മറ്റ് വിദ്യാര്‍ത്ഥികളും ഇത് കേട്ട് ഏറ്റ്‌ചൊല്ലുകയും ചെയ്യുന്നുണ്ട്. സമൂഹമാധ്യമങ്ങളില്‍ നിറഞ്ഞ കൈയ്യടിയാണ് ഈ വീഡിയോയ്ക്ക് ലഭിക്കുന്നത്. പ്രതിജ്ഞ ചൊല്ലിയ കുഞ്ഞുമിടുക്കിയെ നിരവധി പേരാണ് പ്രശംസിച്ചത്.
