ആലപ്പുഴ: അമ്പലപ്പുഴ റയില്വേ സ്റ്റേഷന് സമീപം തീവണ്ടി പാളം തെറ്റിയതിനെ തുടര്ന്ന് കോഴിക്കോട്-തിരുവനന്തപുരം ജനശതാബ്ദി എക്സ്പ്രസ് കോട്ടയം വഴി തിരിച്ചുവിടും. പാളത്തിലെ കേടുപാടുകള് പരിഹരിക്കുന്നതില് താമസം നേരിടുന്നതിനാലാണ് വഴിതിരിച്ചുവിടുന്നത്. ചെങ്ങന്നൂരിലും ചങ്ങനാശ്ശേരിയിലും ട്രെയിന് സ്റ്റോപ്പുണ്ടാകും.
പാത ഇരട്ടിപ്പിക്കലിന് മെറ്റലുമായി പോയ തീവണ്ടിയാണ് അമ്പലപ്പുഴ റയില്വേ സ്റ്റേഷന് സമീപം പാളം തെറ്റിയത്. ഇന്ന് ഉച്ചയ്ക്ക് 2.10-ഓടെയായിരുന്നു സംഭവം. പാത ഇരട്ടിപ്പ് ജോലികള്ക്കായി മെറ്റലുമായി ആലപ്പുഴയില് നിന്നും വരികയായിരുന്ന ട്രെയിനാണ് പാളം തെറ്റിയത്.
ട്രെയിന് പാളം തെറ്റിയതിനെ തുടര്ന്ന് ട്രാക്കിന് വിള്ളലുണ്ടായി. നേത്രാവതി എക്സ്പ്രസ് ചേര്ത്തലയില് പിടിച്ചിട്ടു.
Discussion about this post