കോഴിക്കോട്: പൗരത്വ ഭേദഗതി നിയമത്തിനെതിരെ രൂക്ഷ വിമര്ശനവുമായി നടന് മാമുക്കോയ. ഫാസിസ്റ്റുകള്ക്ക് മുന്നില് അഡ്ജസ്റ്റ്മെന്റ് ജീവിതത്തിന് തയ്യാറല്ലെന്ന് മാമുക്കോയ പറഞ്ഞു. കോഴിക്കോട് സംഘടിപ്പിച്ച ഷഹീന് ബാഗ് സ്ക്വയറില് സംസാരിക്കുകയായിരുന്നു മാമുക്കോയ.
ഫാസിസ്റ്റുകള്ക്ക് മുന്നില് അഡ്ജസ്റ്റ്മെന്റ് ജീവിതത്തിന് തയ്യാറല്ല. ജീവനെ ഭയപ്പെടുന്നവരാണ് ഫാസിസ്റ്റുകള്ക്കൊപ്പം നില്ക്കുന്നത്. എതിര്പ്പ് രേഖപ്പെടുത്തുന്നവരെ അവര് കൊല്ലുകയാണ്. ഇത്തരത്തില് എഴുത്തുകാരെയും കലാകാരന്മാരെയും അവര് ഭീഷണിപ്പെടുത്തുന്നു. തനിക്കും ഭീഷണികള് നേരിട്ടിട്ടുണ്ട്. എന്നാല് മുട്ടുമടക്കാന് തീരുമാനിച്ചിട്ടില്ലെന്നും മാമുക്കോയ കൂട്ടിച്ചേര്ത്തു.
മുസ്ലിം യൂത്ത് ലീഗ് സംസ്ഥാന കമ്മിറ്റിയുടെ നേതൃത്വത്തിലാണ് കോഴിക്കാട് ഷഹീന് ബാഗ് സ്ക്വയര് പ്രതിഷേധം നടക്കുന്നത്.
Discussion about this post