തിരുവനന്തപുരം: കഴിഞ്ഞ ദിവസമാണ് ധനമന്ത്രി തോമസ് ഐസക് സംസ്ഥാന ബജറ്റ് അവതരിപ്പിച്ചത്. ബജറ്റില്‍ അന്തരിച്ച കേരളാ കോണ്‍ഗ്രസ് എം നേതാവും മുന്‍ മന്ത്രിയുമായ കെഎം മാണിയുടെ സ്മാരകം നിര്‍മ്മിക്കുന്നതിനായി അഞ്ച് കോടി മാറ്റിവച്ചത് സ്വാഗതം ചെയ്യുന്നുവെന്ന് ജോസ് കെ മാണി എംപി പറഞ്ഞു.
താന്‍ ഇക്കാര്യം മുഖ്യമന്ത്രി പിണറായി വിജയനോട് നേരിട്ട് ആവശ്യപ്പെട്ടിരുന്നുവെന്ന് ജോസ് കെ മാണി പറഞ്ഞു. ”സംസ്ഥാന ബജറ്റില്‍ കെഎം മാണി ഫൗണ്ടേഷന് അഞ്ച് കോടി രൂപ വകയിരുത്തിയത് സ്വാഗതം ചെയ്യുന്നു. പഠന ഗവേഷണ കേന്ദ്രത്തിന് അഞ്ചു കോടി രൂപ നല്കണമെന്ന് താന്‍ മുഖ്യമന്ത്രിയെ നേരിട്ട് കണ്ട് ആവശ്യപ്പെട്ടിരുന്നു” എന്ന് ജോസ് കെ മാണി എംപി മാധ്യമങ്ങളോട് പറഞ്ഞു.
അതേസമയം, മാണിയുടെ സ്മാരകം പണിയുന്നതിന് ഫണ്ട് അനുവദിച്ചതിനെ പരിഹസിച്ച് യുഡിഎഫ് അംഗങ്ങള്‍ ഉള്‍പ്പെടെ രംഗത്ത് എത്തി. മാണി മന്ത്രിയായിരുന്ന സമയത്ത് രൂക്ഷ വിമര്‍ശനം നടത്തിയ എല്‍ഡിഎഫ്, ഇപ്പോള്‍ എന്താണ് ഇങ്ങനെ ചെയ്തതെന്ന് ചോദ്യം ഉയര്‍ന്നു.
Discussion about this post