തിരുവനന്തപുരം: തമിഴ്നാട് ട്രാന്സ്പോര്ട്ട് ബസില്‍ യുവതിക്കെതിരെ പീഡനശ്രമം. ഇന്ന് രാവിലെ തിരുവനന്തപുരത്ത് നിന്ന് നാഗര്‍കോവിലേക്ക് പോകുകയായിരുന്ന ബസിലാണ് സംഭവം ഉണ്ടായത്. സംഭവത്തില്‍ കണ്ടക്ടര്‍ക്കെതിരെ യാത്രക്കാരി പരാതി നല്‍കി. ഇതോടെ ബസ് പാറശ്ശാലയില്‍ പോലീസ് പിടിച്ചിട്ടു.
തിരുവനന്തപുരത്ത് നിന്ന് കയറിയ യാത്രക്കാരിയോട് കണ്ടക്ടര്‍ മോശമായി പെരുമാറിയെന്നാണ് പരാതി. ബസ് പാറശ്ശാലയില്‍ എത്തിയപ്പോള്‍ യുവതി ബഹളം വയ്ക്കുകയും ബസ് നിര്‍ത്തുകയുമായിരുന്നു. തുടര്‍ന്ന്, സ്ഥലത്തെത്തിയ പോലീസുകാര്‍ നാട്ടുകാരോട് ആദ്യം തട്ടിക്കയറിയെന്ന ആക്ഷേപവും ഉയരുന്നുണ്ട്.
നാട്ടുകാരുടെ പ്രതിഷേധത്തെ തുടര്‍ന്ന് പോലീസ് ബസ് കസ്റ്റഡിയിലെടുത്തു. പാറശ്ശാല പോലീസ് സ്റ്റേഷനില്‍ കണ്ടക്ടര്‍ക്കെതിരെ യാത്രക്കാരി മൊഴി നല്‍കി. മൊഴിയുടെ അടിസ്ഥാനത്തില്‍ കണ്ടക്ടര്‍ക്കെതിരെ കേസെടുക്കുമെന്ന് പോലീസ് വ്യക്തമാക്കി.
Discussion about this post