കോവൂര്‍: തെയ്യം കെട്ടിയാടുന്നതിനിടയില്‍ തിരുമുടിക്ക് തീപിടിച്ച് തെയ്യം കലാകാരന് പൊള്ളലേറ്റു. പൊള്ളലേറ്റ തെയ്യം കലാകാരനെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. കണ്ണൂര്‍ കൂത്തുപറമ്പിലെ കോവൂര്‍ കാപ്പുമ്മല്‍ തണ്ട്യാന്‍ മീപ്പുര ക്ഷേത്രത്തിലാണ് ഈ അപകടം നടന്നത്.
തെയ്യം കെട്ടിയാടുന്നതിനിടയില്‍ ക്ഷേത്രത്തിന് മുന്നില്‍ കത്തിച്ചുവെന്ന നിലവിളക്കില്‍ നിന്നാണ് തിരുമുടിക്ക് തീ പിടിച്ചത്. തിരിമുടിക്ക് തീപിടിച്ചത് ശ്രദ്ധയില്‍പ്പെട്ടതിനെ തുടര്‍ന്ന് നാട്ടുകാര്‍ തീ പെട്ടെന്ന് അണച്ചത് കാരണമാണ് വലിയൊരു ദുരന്തം വഴിമാറിയത്. മണത്തണഭഗവതിയുടെ തെയ്യം കെട്ടിയാടിയ കലാകാരനാണ് പൊള്ളലേറ്റത്.