ഏറെ വ്യത്യസ്തവും വിചിത്രവുമായ ഒരു വീഡിയോ ആണ് ഇപ്പോള്‍ സമൂഹമാധ്യമങ്ങളില്‍ വൈറലാകുന്നത്. കഴിഞ്ഞ കുറച്ച് നാളുകളായി സോഷ്യല്‍മീഡിയ ചോദ്യം ഈ ദൃശ്യങ്ങളുടെ അടിസ്ഥാനത്തിലാണ്. കുഴിയാനയെ നമുക്ക് ഏവര്‍ക്കും അറിയാം. മിക്ക വീടുകളിലും മറ്റുമായി ഒന്നു തിരഞ്ഞു നോക്കിയാല്‍ ഒരു പാട് ലഭിക്കും. പക്ഷേ ആ കുഴിയാന എങ്ങനെ തുമ്പിയായി ആ ചോദ്യമാണ് ഇന്ന് സമൂഹമാധ്യമങ്ങില്‍ നിറയുന്നത്.
കുഴിയാന പ്രത്യക്ഷപ്പെട്ട് നിമിഷങ്ങള്‍ കഴിയുമ്പോഴേയ്ക്കും തുമ്പിയായി മാറുകയാണ്. ആ മാറ്റമാണ് ഏവരെയും കുഴപ്പിക്കുന്നത്. കുഴിയാന തുമ്പിയായി മാറുന്ന കാഴ്ചയെന്നാണ് വൈറലാകുന്ന വിഡിയോയ്ക്ക് ഒപ്പമുള്ള കുറിപ്പില്‍ പറയുന്നത്. എന്നാല്‍ ഇത് തുമ്പിയല്ല, കുഴിയാനയുടെ മുതിര്‍ന്ന രൂപമാണെന്നും ചിലര്‍ വാദിക്കുന്നു.
സോഷ്യല്‍ മീഡിയയില്‍ വലിയ ചര്‍ച്ചയാവുകയാണ് ഈ വിഡിയോ. പതിനേഴായിരത്തിനു അടുത്ത് ആളുകളാണ് ഈ വിഡിയോ ഷെയര്‍ ചെയ്തിരിക്കുന്നത്. എന്നാലിപ്പോഴും യഥാര്‍ത്ഥത്തില്‍ ഈ ജീവി ഏതാണെന്ന് ആര്‍ക്കും അറിയില്ല. ഇത് കുഴിയാനയാണോ തുമ്പിയാണോ എന്ന തര്‍ക്കത്തിലാണ് സൈബര്‍ ലോകം.
Discussion about this post