മലപ്പുറം; രാജ്യം മുഴുവന്‍ പൗരത്വ നിയമഭേദഗതിക്കെതിരെ ആഞ്ഞടിക്കുകയാണ്. ഇന്ത്യയുടെ വിവിധ ഭാഗങ്ങളില്‍ നടന്ന പ്രതിഷേധത്തിനിടെ ആക്രമണവും അരങ്ങേറിയിരുന്നു. പ്രതിഷേധത്തില്‍ പങ്കുച്ചേര്‍ന്ന നിരവധി പേര്‍ കൊല്ലപ്പെടുകയും ചെയ്തു. എങ്കിലും സമര രംഗത്ത് നിന്നും പിന്മാറാതെ ഇപ്പോഴും തെരുവില്‍ തന്നെ ഉണ്ട് പ്രതിഷേധക്കാര്‍. ഇതിനിടെ മലപ്പുറത്ത് നിന്നും വേറിട്ട ഒരു പ്രതിഷേധമാണ് ഇപ്പോള്‍ ശ്രദ്ധിക്കപ്പെടുന്നത്.
ജില്ലയിലെ കരുവാരക്കുണ്ട് പുല്‍വെട്ടക്കാരന്‍ അഹ്സന്‍ പുതിയാപ്ലയായി ഇറങ്ങിയത് പ്രസിദ്ധമായ ‘ആസാദി’ എന്ന മുദ്രാവാക്യം വിളിച്ചുകൊണ്ടാണ്. മണവാട്ടിയും പുഞ്ചിരിയോടെ വരനോടൊപ്പം മുദ്രാവാക്യം വിളിക്കുന്നുണ്ട്. ഇതിന്റെ ദൃശ്യങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലാവുന്നത്. കല്യാണത്തിന് വന്നവരും മുദ്രാവാക്യം ഏറ്റുവിളിക്കുന്നുണ്ട് .
നേരത്തെ പൗരത്വ ഭേഗതി നിമയത്തോടുള്ള പ്രതിഷേധം സേവ് ദ് ഡേറ്റില്‍ വരെ പ്രതിഫലിപ്പിച്ചുള്ള ചിത്രങ്ങളും സോഷ്യല്‍ മീഡിയയില്‍ ശ്രദ്ധിക്കപ്പെട്ടിരുന്നു. പ്രതിശ്രുത വരനും വധുവുമായ അരുണ്‍ ഗോപിയും, ആശ ശേഖറും ആയിരുന്നു തങ്ങളുടെ വിവാഹത്തിന്റെ സേവ് ദ് ഡേറ്റ് ചിത്രങ്ങളിലൂടെ പ്രതിഷേധം അറിയിച്ചത്.