പാലക്കാട്: പാലക്കാട് വന്‍ കഞ്ചാവ് വേട്ട. പതിനെട്ട് കിലോ കഞ്ചാവാണ് പിടിച്ചെടുത്തത്. വിപണിയില്‍ ഒമ്പത് ലക്ഷം രൂപ വരുമെന്നാണ് അധികൃതര്‍ വ്യക്തമാക്കിയത്. ഒലവക്കോട് ജംഗ്ഷന്‍ റെയില്‍വേ സ്റ്റേഷനു സമീപം ബാഗില്‍ സൂക്ഷിച്ച നിലയിലായിരുന്നു കഞ്ചാവ്.
ജില്ലാ ലഹരി വിരുദ്ധ സേനയും ടൗണ്‍ നോര്‍ത്ത് പോലീസും സംയുക്തമായി നടത്തിയ പരിശോധനയിലാണ് ബാഗില്‍ സൂക്ഷിച്ച നിലയില്‍ ഇവ കണ്ടെത്തിയത്. രണ്ട് ദിവസം മുമ്പ് നാല് കിലോ കഞ്ചാവ് ഒലവക്കോട് ജംഗ്ഷന്‍ റെയില്‍വേ സ്റ്റേഷനില്‍ നിന്നും കണ്ടെത്തിയിരുന്നു.
സംഭവത്തില്‍ പാലക്കാട് നോര്‍ത്ത് പോലീസ് കേസെടുത്ത് അന്വേഷണം ആരംഭിച്ചു. അതേസമയം ജില്ലയില്‍ പരിശോധന ശക്തമായതോടെ പ്രതികള്‍ കഞ്ചാവ് ഉപേക്ഷിച്ച് രക്ഷപ്പെട്ടതാണെന്നാണ് സൂചന. അതേസമയം ക്രിസ്മസ്- പുതുവത്സര ആഘോഷത്തിന്റെ ഭാഗമായി സംസ്ഥാനത്തേക്ക് ലഹരിക്കടത്ത് വര്‍ധിച്ചു വരുന്നതായി വിവരം ലഭിച്ചിട്ടുണ്ട്. അതുകൊണ്ട് തന്നെ വരും ദിവസങ്ങളില്‍ ശക്തമായ പരിശോധനകള്‍ ഉണ്ടായിരിക്കുമെന്ന് പോലീസ് വ്യക്തമാക്കി.
Discussion about this post